O Museo de Arte Contemporánea inaugura "Indisciplinados", unha mostra colectiva de producción propia sobre as fronteiras da linguaxe creativa, os lindes da arte e do deseño, na creación española de finais do século XX e inicio do XXI. É unha exposición única no territorio español, comisariada pola profesora Nuria Gual, que se inscribe nas actividades do Ano do Deseño 2003.
O Marco inaugura o 11 de xullo "Indisciplinados", unha mostra colectiva de producción propia sobre as fronteiras da linguaxe creativa, os lindes da arte e do deseño, na creación española de finais do século XX e inicio do XXI. É unha exposición única no territorio español, que se inscribe no conxunto de actividades que configuran o Ano do Deseño 2003.
A exposición "Eter terra" da artista Menca Estévez, organizada pola Concellería de Cultura, inaugúrase o luns 7 de xullo ás 20:00 na Casa das Artes. O acto estará amenizado por unha intervención musical.
A Concellería de Cultura organiza a exposición da artista Menca Estévez "Eter terra" que se inaugura o luns 7 de xullo ás 20:00 na Casa das Artes. No acto intervirán a flautista Julia Estévez e a soprano Begoña Estévez.
O alcalde, Ventura Pérez Mariño, reuniuse con Alfonso Zulueta de Haz, Xaime Illa Couto e Antón Vidal para tratar cuestións referentes ao eido cultural en Vigo e comprometeuse a colaborar nos actos conmemorativos do aniversario de Fermín Penzol, un dos mecenas máis importantes da cultura galega.
A Concellería de Cultura organiza a exposición "Toscana Fauve" do artista italiano Pietro Chiaramonte. Os 19 óleos que representan paisaxes da Toscana, espidos e naturezas mortas poderanse ver do 4 ao 27 de xullo na Casa Galega da Cultura.
A Biblioteca central de Vigo, situada no Casco Vello, organiza o seu tradicional "Bibliocampamento de verán 2003" destinado a nenos de 6 a 13 anos. O programa inclúe obradoiros de títeres, fotografías, marcalibros, xogos e teatro. As actividades son gratuítas.
"Malas Artes: Prêt-â-porter" é o título da exposición que se amosa na Sala dos Peiraos e que organiza a Concellería de Cultura. A exposición que permanecerá aberta ata o 27 de xullo reflexiona sobre un campo moi achegado á realidade socioeconómica galega: o mundo do deseño téxtil.
A exposición "Agrupémonos todos; gregarismo, lecer e outros motivos de xuntanza" amosa fotografías, videos, esculturas e instalacións interactivas de 19 artistas que analizan os conceptos de masa e de público.
O Verbum, o auditorio do Conservatorio de Música e a concatedral Santa María serán os escenarios nos que se celebren concertos durante o sábado para desenvolver Festa da Música organizada por Xuventudes Musicais e patrocinada pola Concellería de Cultura.