O Pazo de Castrelos acolle o espectáculo teatral "Ó carón do lume"
Contos de trasgos e ladróns, santos e aparecidos da Galicia tradicional, extraídos dos libros "Á lus do candil", de Ánxel Fole, e "Jardín Umbrío", de Ramón del Valle-Inclán. Isto é o que ofrece o espectáculo teatral "Ó carón do lume", a cargo do actor Javier Veiga. Será no Pazo de Castrelos, hoxe, mañá e o sábado ás 20:30.
"Ó carón do lume" é un espectáculo teatral que pretende recrear a cultura dos pazos, a cultura tradicional de Galicia. Ó carón do lume da lareira comen, descansan, rezan, cóntanse contos e coinciden os distintos estratos sociais que conviven na casa: os señores, os empregados, os provedores, o cura.
Javier Veiga, encargado de representar esta obra, afirma que nela se produce "unha maridaxe interesante, como dirían os enólogos". Trátase da obra de Valle-Inclán e de Ánxel Fole. Segundo Javier Veiga, "son historias de pequenas aldeas, de pazos, de montes". Historias dun pasado non tan distante onde a cociña e o lume teñen un papel fundamental.
"Ó carón do lume" representarase hoxe, mañá e o sábado ás 20:30 no salón principal do Pazo de Castrelos, cun aforo limitados de 150 persoas. As entradas custan tres euros e están á venda no museo municipal e na Casa das Artes nos horarios habituais das exposicións ata o sábado 11 de decembro.
Descargar todas as imaxes
Javier Veiga, encargado de representar esta obra, afirma que nela se produce "unha maridaxe interesante, como dirían os enólogos". Trátase da obra de Valle-Inclán e de Ánxel Fole. Segundo Javier Veiga, "son historias de pequenas aldeas, de pazos, de montes". Historias dun pasado non tan distante onde a cociña e o lume teñen un papel fundamental.
"Ó carón do lume" representarase hoxe, mañá e o sábado ás 20:30 no salón principal do Pazo de Castrelos, cun aforo limitados de 150 persoas. As entradas custan tres euros e están á venda no museo municipal e na Casa das Artes nos horarios habituais das exposicións ata o sábado 11 de decembro.