luns, 30 xuñ 2003
A Biblioteca central de Vigo, situada no Casco Vello, organiza o seu tradicional "Bibliocampamento de verán 2003" destinado a nenos de 6 a 13 anos. O programa inclúe obradoiros de títeres, fotografías, marcalibros, xogos e teatro. As actividades son gratuítas.
venres, 20 xuñ 2003
"Malas Artes: Prêt-â-porter" é o título da exposición que se amosa na Sala dos Peiraos e que organiza a Concellería de Cultura. A exposición que permanecerá aberta ata o 27 de xullo reflexiona sobre un campo moi achegado á realidade socioeconómica galega: o mundo do deseño téxtil.
venres, 20 xuñ 2003
A exposición "Agrupémonos todos; gregarismo, lecer e outros motivos de xuntanza" amosa fotografías, videos, esculturas e instalacións interactivas de 19 artistas que analizan os conceptos de masa e de público.
venres, 20 xuñ 2003
O Verbum, o auditorio do Conservatorio de Música e a concatedral Santa María serán os escenarios nos que se celebren concertos durante o sábado para desenvolver Festa da Música organizada por Xuventudes Musicais e patrocinada pola Concellería de Cultura.
xoves, 19 xuñ 2003
Distintas formas de agrupación humana, dende a reunión á masa despersonalizada, constitúen o eixo da exposición "Agrupémonos todos. Gregarismo, lecer e outros motivos de xuntanza", a nova mostra temática que o venres, 20 de xuño, inaugura o Museo de Arte Contemporánea.
martes, 17 xuñ 2003
A novela "Adeus, Portugal" recentemente premiada será presentada pola escritora Marga do Val o 17 de xuño ás 20:00 no Instituto Camoes, situado na Casa de Arines.
venres, 13 xuñ 2003
O concelleiro de Cultura en funcións, Carlos Príncipe, e o director do museo de Castrelos, José Ballesta, presentaron a renovada colección permanente e a proposta do novo regulamento, carta de servicios e liñas estratéxicas que guiarán o futuro desta dotación cultural.
xoves, 12 xuñ 2003
"Os dalís de Dalí" é o título da exposición que a Fundación Caixa Galicia e a Concellería de Cultura inauguran na Casa das Artes. A exposición, realizada conxuntamente coa Fundación Gala-Salvador Dalí, con motivo do XXV aniversario da entidade financeira, mostra 50 pinturas e debuxos do pintor ampurdanés e permanecerá na cidade ata o 13 de xullo.
mércores, 11 xuñ 2003
Julio César González Pagés , doctor en Ciencias Históricas da Universidade da Habana, presentaba esta mañá xunto o concelleiro de Cultura, Carlos Príncipe o libro titulado "Emigración de Mujeres Gallegas a Cuba: <b>Las Hijas de Galicia</b>". Trátase dunha investigación sobre a asociación "Hijas de Galicia", posiblemente a maior no mundo, de emigradas galegas e descendentes cunha cifra que sobrepasa ás 58.000 mulleres en 1960.
mércores, 11 xuñ 2003
A colección permanente da Fundación Laxeiro, despois dun proceso de restauración integral que durou case tres anos, preséntase no terceiro andar da Casa das Artes cun novo plantexamento expositivo.