A "Patrulla Ágila" do Exército do Aire realizará o venres ás 12.45 un ensaio na praia de Samil da exhibición aérea que terá lugar o domingo 8 de xuño e que organiza a Concellería de Cultura.
O Museo de Arte Contemporánea de Vigo recibiu a visita dun grupo da Asociación de Amigos do San Francisco Museum of Modern Art, liderados por Margy Boyd, representante do grupo, e dirixidos por Mervyn Samuel, o seu guía en España.
A escritora Rosa Regás asistiu a unha reunión do Comité de Expertos do Verbum-Casa das Palabras para traballar no programa de actividades que comezará no museo a partir de setembro. O concelleiro de Cultura en funcións, Carlos Príncipe, destacou a cifra de 50.000 visitantes no primeiro mes de apertura desta nova dotación cultural situada en Samil.
O concelleiro de Cultura, Carlos Príncipe, presentaba a programación do festival de Música de Vigo "ARE-MORE"-2003 que se desenvolverá dende o 28 de outubro ó 19 de decembro. O concerto de inauguración estará a cargo da soprano neozelandesa Kiri Te Kanawa e o de clausura a mezzosoprano Teresa Berganza.
O Conservatorio de Música acolle un novo concerto do ciclo de música de novos intérpretes Xeración 2000+3 e que organiza a concellería de Cultura. Nesta ocasión o concerto será o xoves, ás 20.30 horas, a cargo da mezzosoprano Nuria Lorenzo López e do pianista Jesús Pardal. A entrada ó concerto é gratuíta.
O Consello Evanxélico de Vigo organiza as Primeiras Xornadas "Biblia e Cultura, Vigo'03" que patrocina a concellería de Cultura e que se celebran do 28 de maio ó 15 de xuño con varias actividades que van desde unha exposición de biblias, unha maratón de lectura bíblica, un festival infantil, a representación dunha obra de teatro e conferencias.
O concelleiro de Cultura, Carlos Principe, presentou o libro "Percorrido pola arquitectura histórica de Vigo" de Xaime Garrido Rodríguez e José Ramón Iglesias Veiga e que edita o Cultura. O libro ofrece argumentos para descubrir outra mirada da cidade sobre a obra que grandes arquitectos deixaron como sinais de identidade.
O museo municipal de Vigo "Quiñones de León" e o Laboratorio Municipal presentan por primeira vez ao público a colección de instrumental científico e curiosidades pertencentes, a maior parte das pezas, á primeira metade do século XX.
O concelleiro de Cultura, Carlos Príncipe, e o presidente do R.C. Celta de Vigo, Horacio Gómez, presentaron unha nova tarxeta denominada Carné Celtista. No reverso do carné inclúese o logotipo de Verbum-Casa das Palabras de Vigo.
Co ánimo de facer partícipe á comunidade escolar do Día internacional dos museos, 18 de maio, o museo municipal "Quiñones de León" organizou a súa celebración o luns cunha xornada de animación cultural dirixida a escolares.