Marcos Díaz protagoniza o segundo dos concertos do ciclo de novos intérpretes, dentro da programación que ofrece a Concellería de Cultura e que ten como elemento principal a guitarra . O recital terá lugar o domingo ás 20.30 horas no auditorio do Conservatorio de Música de Vigo, con entrada gratuita.
A prestixiosa mostra de cinema dixital celébrase por primeira vez en España, con actos simultáneos en Madrid, Barcelona, Vitoria e Vigo. O concelleiro de Cultura, Carlos González Príncipe, e a directora do Museo de Arte Contemporánea, Carlota Álvarez Basso, presentaron o programa de proxeccións que se inicia no Marco o 9 de maio.
O concelleiro de Cultura, Carlos Príncipe, inaugura o 9 de maio no Instituto Cervantes de Lisboa a exposición titulada "Laxeiro, o carnaval das formas" e que se centra na vertente máis informalista do pintor galego.
O concelleiro de Cultura, Carlos Príncipe, presentou a terceira edición do ciclo de interpretes novos co nome "Xeración 200+3" co que se pretende darlle oportunidade ás novas xeracións de músicos e compositores. O ciclo conta coa colaboración da Fundación CaixaGalicia e realizarse baixo a dirección de Roberto Relova.
A Concellería de Cultura xestiona a mostra "Masonería universal, unha forma de sociabilidade" que se exhibirá ata o 21 de maio na Casa Galega da Cultura.
Eva Bertoumeu dirixe a compañía valenciana que actúa o mércores 30 de abril ás 20:00 no auditorio municipal, nun programa da Concellería de Cultura para conmemorar o Día Internacional da Danza.
A presentación do libro "Os nenos de San Francisco", do fotógrafo Ricard Terré, o mércores 30 de abril ás 20:00 horas inaugura a axenda de actos en Verbum-Casa das Palabras. A iniciativa insírese na concepción do museo como un espacio aberto á participación e ao debate das máis diversas propostas e colectivos. O concelleiro de Cultura, Carlos Príncipe, acompañado do autor, percorrerá a obra dedicada aos meniños que asisten ao Centro de Educación Especial San Francisco.
O alcalde, Lois Castrillo, e o concelleiro de Cultura, Carlos Príncipe, inauguran as instalacións do novo centro museístico sobre a comunicación humana.
As actuacións do Ballet Español de Murcia e da Bojnami Danza conmemoran, por primeira vez na cidade, o Día Internacional da Danza. Unha mesa redonda completa o programa de actos, organizados polo Concello en colaboración coa Asociación Galega de Profesionais da Danza, o 29 e 30 de abril no Auditorio Municipal. O concelleiro de Cultura, Carlos Príncipe, presentou a iniciativa como un primeiro paso cara á integración da danza na oferta cultural de calidade en Vigo.
O concelleiro de Cultura subliñou o compromiso do Nobel de Literatura José Saramago de formar parte do comité de expertos do museo. Xunto a Saramago, figuran como asesores de Verbum os escritores Francisco Fernández del Riego, Víctor Freixanes e Rosa Regás, mailos xornalistas Manuel Toharia, Xosé Cermeño e Carlos Luis Rodríguez.