O sábado 20 de xuño continúa Imaxina na Rúa, o programa de actividades previo á 5ª edición do Festival de Jazz de Vigo Imaxina Sons. Os protagonistas de Imaxina na Rúa serán nesta ocasión os mozos e mozas da Escola Municipal de Música da Coruña. A ensemble dirixida por Jose A. Acuña pódese ofrecerá un repertorio no que se mesturan temas orixinais con estándards.
O museo Quiñones de León, o Verbum, o Museo do Mar, o Marco e o Museo Liste acollerán o vindeiro 23 de xuño, noite de San Xoán, a primeira actividade conxunta da rede museística de Vigo, segundo anunciou hoxe o tenente de alcalde, Santi Domínguez. O concelleiro explicou que se trata dunha "iniciativa novidosa nesta cidade que significa o inicio dun novo xeito de entender a actividade museística na cidade", coordinada e posta en marcha polas concellerías de Cultura, Patrimonio Histórico e Normalización Lingüística.
O sábado, 13 de xuño, celebrase a XXXIX edición do Día da Muiñera e o X Concurso do Ensalzamento do Traxe Galego.Este ano 220 grupos, con máis de 2.000 participantes, actuarán na Praza de Compostela.
O Festival de Jazz de Vigo "Imaxina Sons" programa cada ano clases maxistrais que, por un lado, contribúen á experiencia formativa de músicos e afeccionados e, por outro, supoñen un excepcional achegamento entre artistas de sólida traxectoria con aquelas persoas que desexan afondar nos segredos do jazz e da improvisación. Na quinta edición do Festival de Jazz de Vigo Imaxina Sons as clases maxistrais serán impartidas por Fred Frith, o martes 30 de xuño, e polo trombonista Nils Wogram, o sábado 4 de xullo. A inscrición nestas sesións, que se desenvolverán no Conservatorio Superior de Música de Vigo de 11h a 13.30h, é gratuíta e podes facela premendo aquí http://www.imaxinasons.com/gl/inscricion
O concelleiro de Cultura, Xesus López, presentou hoxe a XXXIX edición do Día da Muiñera e o X Concurso do Ensalzamento do Traxe Galego, que se celebrarán o vindeiro sábado, asegurando que se trata "dun dos días máis importantes da programación que desenvolve a Concellería de Cultura e Animación Sociocultura". Este ano 220 grupos, con máis de 2.000 participantes, actuarán na Praza de Compostela.
O ciclo de música "Xeración 2000+9" comezará o martes, 9 de xuño, ás 20.30 horas, coa actuación no Verbum do cuarteto de folk O Chupacabras, cuxo estilo caracterízase polo emprego de novas harmonías en arranxos de pezas típicas do repertorio tradicional. O ciclo que se celebrará durante cinco días modifica o concerto do 13 de xuño por enfermidade do pianista Luís Filipe Sá.
No marco da programación teatral "Vigo a escena", que organiza a Concellería de Cultura para o primeiro semestre do 2009, a compañía Máscara Producións estrenará a obra "Por diante... e por detrás" en Beade este sábado, 6 de xuño ás 21 horas. A obra programada para o domingo, 7 de xuño, de Lambriaca Producións trasládase ao 14 de xuño.
Imaxina na Rúa comeza este sábado 6 de xuño para ir quentando motores de cara o Festival de Jazz de Vigo "Imaxina Sons" coa actuación da Orquestra A Tempo de Pontevedra. O obxectivo de Imaxina na Rúa é levar a música ao espazo público da man de formacións integradas na maioría dos casos por novos artistas. "A Tempo", dirixida por Miguel Angel Rodríguez, e integrada tamén por afeccionados con idades entre os 13 e 55 anos, actuará en diferentes recantos da cidade o 6 de xuño tocando standards de jazz e blues.
O programa inclúe un ciclo de mesas redondas e dúas clases maxistrais de Fred Frith e Nils Wogram<br /> A tres semanas do comezo do 5º Festival de Jazz de Vigo Imaxina Sons, ao programa de concertos do festival engádenselle as actividades de Imaxina na Rúa, Jazz na Noite, pasacalles o ciclo de mesas redondas e dúas clases maxistrais polo guitarrista Fred Frith e o trombonista Nils Wogram. Redondéase dese xeito a programación do festival, promovido pola concellería de Cultura e Animación Sociocultural do Concello de Vigo, que se desenvolverá do 25 de xuño ao 5 de xullo, pero que empeza a quentar motores o sábado 6 de xuño cos músicos da orquestra "A Tempo" de Pontevedra que tocarán por varias rúas e prazas da cidade ao longo do día. O mapa de Imaxina Sons esténdese xa a toda cidade.
O concelleiro de Cultura, Xesus Lopez, e Roberto Relova, director artístico de Vigo Cultura, presentaron hoxe a novena edición do programa do ciclo de novos intérpretes Xeración 2000+9 que terá lugar do 9 ao 14 de xuño no Verbum-Casa das Palabras, con entrada libre até completar<br /> aforamento.