venres, 24 abr 2009
O Museo do Mar de Galicia presentará o sábado 25 de abril, ás 20.30 horas, a actuación do pianista Nicasio Gradaille, que dá inicio ao programa de actuacións Espazos Sonoros. O museo comeza así, por segundo ano consecutivo, un novo ciclo de concertos que durará ata finais de xuño, e no que acollerá diferentes músicos e formacións como a Austrian Baroque Company, o ISGA Collective, a Ensemble Galante ou o solista Rolf Lislevand.
venres, 24 abr 2009
A actuación do poeta e cantante estadounidense Leonard Cohen é o primeiro dos grandes concertos xa confirmados que se celebrarán este verán nas festas de Vigo, segundo anunciou estes venres o concelleiro de Cultura e Animación Sociocultural, Xesus López, tras pechar onte a contratación do artista.
xoves, 23 abr 2009
O Verbum celebra o seu sexto aniversario cunha programación especial pensada para achegar os contidos do museo á cidadanía. Ata o 30 de abril haberá xornadas de portas abertas. Os días 24,25 e 26 ofrecense visitas teatralizadas para coñecer polo miúdo todos os segredos do museo. As celebracións chegarán ao seu punto máis animado da man de Xoan Curiel que levará ao museo ritmos de bossa mesturados coa tradición galega.
xoves, 23 abr 2009
A programación de "Vigo a escena" para o primeiro semestre do 2009 posta en marcha pola Concellería de Cultura achegará mañá o teatro ao Centro Cívico de Teis coa compañía A Loca-motora, mentres que o domingo haberá dúas representacións, unha no Val do Fragoso a cargo de Teatro Avento e outra en Zamáns con Máscara Producións. Asemade, cancélase a actuación de Teatro Avento prevista para o sábado, 25 de abril, no Conservatorio de Música (Rúa Eugenio Kraft).
O xoves 23 de abril, Día Internacional do Libro
mércores, 22 abr 2009
O xoves 23 de abril, Día Internacional do Libro, un total de 26 museos e centros de arte contemporánea de España compartirán unha experiencia de bookcrossing ou campaña de liberación de libros, na que "inundarán" as cidades con libros de arte procedentes da bolsa de duplicados das súas respectivas bibliotecas.
luns, 20 abr 2009
A Escola Municipal de Danza organiza o próximo mércores, 22 de abril, o XIII Festival "Os Reencontros" que se celebrará a partir das 20 horas no auditorio do Centro Cultural Caixanova con entrada gratuíta.
xoves, 16 abr 2009
A programación de "Vigo a escena" para o primeiro semestre do 2009 posta en marcha pola Concellería de Cultura comezará esta fin de semana con representacións nas parroquias de Cabral, Bouzas, Navia e Matamá. O sábado, 18 de abril terán lugar dúas actuacións, unha na AVVCD Santa Mariña de Cabral, a cargo de Artello Teatro, e outra no auditorio do ESAD coa compañía Fulano, Mengano e Citano. Xa o domingo, Títeres en Acción actuará na AVV Emilio Crespo de San Paio de Navia e Artello Teatro o fará na SCD Atlántida de Matamá.
martes, 14 abr 2009
Esta semana é a última na que permanecerán abertas ao público no MARCO as exposicións ‘7 +1 Project Rooms’ (na planta baixa) e ‘En calquera lugar, en ningún lugar’' (no primeiro andar). Ambas as dúas exposicións clausúranse o vindeiro domingo 19 de abril.
martes, 14 abr 2009
O concelleiro de Cultura, Xesus López, anunciou este martes que a programación de "Vigo a escena" para o primeiro semestre do 2009 inclúe dúas novidades, como son a estrea de dúas novas obras de teatro e un novo espazo onde levar as representacións, como é Bouzas. Na presentación do programa, na que tamén participou o seu director Xerome Calero, o concelleiro salientou que un dos obxectivos da Concellería de Cultura é a "descentralización da actividade cultural e conseguir que esta chegue a todos os vigueses e viguesas".
venres, 3 abr 2009
Ao longo dos meses de abril e maio o Verbum-Casa das Palabras organiza a actividade "Poéticas para unha vida. Ciclo de poesía oral e experimental" onde o espectador poderá atopar diversas e diferentes intervencións.
