As parroquias de Bouzas, Candeán, Oia, Navia e Comesaña poderán disfrutar esta fin de semana da programación teatral "Vigo a escena", organizada pola Concellería de Cultura. O sábado, 9 de maio, as obras correrán a cargo de Artello-Teatro, Sísifo Teatro, Fulano Mengano e Citano, mentres que o domingo, 10 de maio, actuarán Teatro Avento e Títeres en Acción.
Sete especialistas ilustrarán a dimensión nacional da guerra e a revolución, as xestas militares e os condicionantes estructurais que limitaron o control de Galicia polo exército napoleónico. As conferencias, abertas ao público, celebranse do 7 ao 28 de maio no salón de actos da Casa Galega da Cultura ás 20:00h.
A quinta edición do Festival de Jazz Imaxina Sons celebrarase do 25 de xuño ao 5 de xullo, segundo anunciou o concelleiro de Cultura, Xesus López, na presentación do certame, na que tamén participou o seu director artístico, Baldo Martínez, e María Pereira, en representación de Caixanova. A programación deste ano representa boa parte da xeración de músicos europeos que foi capaz de facer que o jazz feito en Europa acadase o seu máis alto nivel, como é o caso do contrabaixo checo Miroslav Vitous e a Vienna Art Orchestra.
O Verbum inaugura o martes día 5 de maio, unha exposición de fotografía e documentos sobre a figura de José Afonso. A expoción leva por título "Seremos muitos, seremos alguem. José Afonso, a voz da liberdade" poderesase visitar ata o 31 de maio. A mostra complementase con actividades como unha mesa redonda, un recital pético-musical e un concerto homenaxe.
Tras máis de seis anos realizando exclusivamente exposicións colectivas, neste 2009 o MARCO inicia unha nova liña de exposicións individuais, ben de carácter retrospectivo, ou a través de proxectos específicos, como é o caso da proposta de Santiago Sierra, que ocupará todos os espazos da planta baixa. A exposición poderase ver do 1 de maio ao 27 de setembro.
Para conmemorar o Día Internacional da Danza, o mércores 29 de abril, o museo Verbum ten preparado unha actividade especial de danza e teatro a cargo da compañía Experimenta Danza co seu espectáculo "Festival Espazos que Danzan". A representación comezará ás 20.00 horas con entrada gratuíta.
O MARCO, Museo de Arte Contemporánea de Vigo, ven de presentar a programación que levará a cabo entre os meses de maio e agosto: exposicións temporais, concertos e festivais, residencias de artistas, programación didáctica, Festa do Día Internacional do Museo, obradoiros infantís de verán, programación da Biblioteca-Centro de documentación, e actividades da Agrupación de Amigos, entre outros eventos.
O Museo do Mar de Galicia presentará o sábado 25 de abril, ás 20.30 horas, a actuación do pianista Nicasio Gradaille, que dá inicio ao programa de actuacións Espazos Sonoros. O museo comeza así, por segundo ano consecutivo, un novo ciclo de concertos que durará ata finais de xuño, e no que acollerá diferentes músicos e formacións como a Austrian Baroque Company, o ISGA Collective, a Ensemble Galante ou o solista Rolf Lislevand.
A actuación do poeta e cantante estadounidense Leonard Cohen é o primeiro dos grandes concertos xa confirmados que se celebrarán este verán nas festas de Vigo, segundo anunciou estes venres o concelleiro de Cultura e Animación Sociocultural, Xesus López, tras pechar onte a contratación do artista.
O Verbum celebra o seu sexto aniversario cunha programación especial pensada para achegar os contidos do museo á cidadanía. Ata o 30 de abril haberá xornadas de portas abertas. Os días 24,25 e 26 ofrecense visitas teatralizadas para coñecer polo miúdo todos os segredos do museo. As celebracións chegarán ao seu punto máis animado da man de Xoan Curiel que levará ao museo ritmos de bossa mesturados coa tradición galega.