O alcalde de Vigo e o concelleiro de Urbanismo, José Mariño, entrevistáronse coa directiva do colexio Martín Códax este xoves para abordar conxuntamente o proxecto do centro educativo de ampliar as súas instalacións, proposta que Abel Caballero ve "con bos ollos". O rexedor vigués reiterou que "a educación é un elemento central na nosa forma de entender Vigo".
O alcalde e as concelleiras de Medioambiente, Chus Lago, e de Vías e Obras, Isaura Abelairas, visitaron este martes o entorno do mercado de Travesas coa xerencia do mercado e do supermercado Mercadona da praza superior. Caballero puido coñecer de primeria man as necesidades do barrio vigués e a opinión da veciñanza.
Abel Caballero visitou hoxe mércores os traballos de humanización da rúa López Mora, con case 3,5 millóns de euros de investimento, unha obra que emprega de xeito directo a 24 persoas durante medio ano, ademais dos postos de traballo indirectos que supón o granito elaborado no área de Vigo. O alcalde tamén subliñou a renovación das canalizacións soterradas de abastecemento e saneamento "nunha das zonas que máis o necesitaba".
Abel Caballero anunciou este mércores o envío dunha carta á Xunta de Galicia reclamando a transferencia da titularidade da parte do vial PO-325 (que une a cidade con A Ramallosa) que pasa por Vigo. O alcalde recordou que tamén "estamos na tramitación" da cesión da Avenida de Madrid, desde Puxeiros ata a Praza de España, como parte da política municipal de que "todas as competencias que teñan que ver coa atención aos cidadáns as teñamos no Concello".
O alcalde e os concelleiros de Promoción Económica e Emprego, Medioambiente e Transporte e Seguridade visitaron este martes o entorno do mercado do Calvario para pulsar as necesidades do barrio vigués e coñecer de primeira man as demandas da veciñanza.
Abel Caballero cualificou de "excepcional" a humanización das dúas rúas viguesas, "mantendo as prazas de aparcamento" nunha "das zonas máis dignas da cidade". A reforma inclúe a renovación das redes de saneamento, abastecemento e a canalización das augas pluviais, a instalación de novos puntos de luz, bancos, papeleiras, arborado e xardineiras.
O equipo de Montserrat Domínguez desprazouse onte domingo ata o Museo de Arte Contemporánea de Vigo (MARCO) para retransmitir o seu programa matinal da fin de semana "A vivir que son dos días", dentro da programación do Bicentenario da Cidade. O espazo radiofónico repasou a historia da cidade con entrevistas ao alcalde de Vigo, Abel Caballero, e ao director do Museo Quiñones de León, Pepe Ballesta, entre outros.
Desde este luns está aberto o novo buzón virtual na web municipal -www.vigo.org-para recabar as propostas da cidadanía para nomear o Auditorio Pazo de Congresos de Beiramar, na última fase da súa construción. Como explicara o alcalde, Abel Caballero, na presentación da proposta, o Concello quere coñecer a opinión dos vigueses e das viguesas para bautizar o edificio, nomes que serán tidos en conta polo xurado na designación final.
Abel Caballero anunciou hoxe venres en Navia que o Concello, a través do programa municipal de emprego UTIL, acondicionará os espazos abertos entre os edificios do populoso barrio vigués, no que habitan sobre 15.000 persoas. O alcalde recordou que estes espazos son competencia da Xunta de Galicia, pero ante o abandono actual o Concello acometerá a reforma e pasará posteriormente o custo da mesma ao goberno autonómico.
O alcalde de Vigo e Óscar Pereiro reuníronse este xoves para estudar as posibles vias de cooperación na cidade olívica do Concello coa Fundación que dirixe o ciclista de Mos. Segundo apuntou Caballero, as accións conxuntas irán destinadas a fins sociais -particularmente a recabación de fondos contra o cancro- e tamén se estuda a promoción do uso da bicicleta entre a xuventude viguesa.