mércores, 29 dec 2010
O alcalde de Vigo, Abel Caballero, no balance do ano 2010, estimou que 13.000 estudantes participaron nalgunha das actividades que a Concellería de Educación vén desenvolvendo nos centros escolares vigueses para que os alumnos e alumnas melloren o seu nivel de inglés. Recordou tamén que 350 escolares viaxaron a estudar idiomas no estranxeiro sufragados polo Concello e o goberno local concedeu unhas 3.500 axudas de comedor escolar.
martes, 28 dec 2010
O alcalde de Vigo, Abel Caballero, reuníuse este martes cun equipo de investigadores da Escola Técnica Superior de Enxeñeiros Industriais de Vigo, que están preparando un prototipo para ensamblar e poder competir na Shell Eco-Marathon internacional de 2012, unha carreira de vehículos de baixo consumo. Caballero comprometeu un "xesto" coa comunidade universitaria viguesa e apoiará aos estudantes na procura de patrocinadores.
martes, 28 dec 2010
O alcalde de Vigo asegurou este martes que o Concello de Vigo está disposto a realizar o mantemento dos xardíns do Areal que proxecta arranxar o Porto de Vigo. En rolda de prensa, Caballero informou da remisión dun escrito á Autoridade Portuaria a mediados de decembro amosando a "satisfacción" municipal pola iniciativa e solicitando coñecer detalles do proxecto e do posterior mantemento da zona, que ata o momento vén realizando o Concello.
luns, 27 dec 2010
O alcalde de Vigo, Abel Caballero, visitou na tarde de onte domingo a feria Vigolandia no Instituto Feiral de Vigo, onde a Policía Local participou coa montaxe de tres parques de tráfico para nenos de entre 5 e 14 anos. Con actividade teórica e práctica, o departamento de Educación Vial procura sensibilizar aos máis pequenos dos perigos das estradas e darlles a coñecer as sinais de tráfico mediante debuxos animados.
xoves, 23 dec 2010
O alcalde, Abel Caballero, deu conta da Xunta de Goberno Local celebrada este xoves e na que se contrataron humanizacións por valor de 4 millóns de euros en Aragón, Ramón Nieto ou a rúa Cangas, entre outras. Segundo recordou, o goberno local liberou humanizacións só esta semana por 8 millóns de euros, que iniciarán as obras en torno ao 15 de xaneiro. Estas reformas significan "moito emprego", aseverou, beleza e economía na cidade.
mércores, 22 dec 2010
Abel Caballero informou este mércores que está a punto de pechar as negociacións coa compañía para conectar Peinador con Heathrow desde o 29 de marzo ata o 30 de outubro, un total de 183 voos, 33.000 prazas e tres conexións semanais que subvencionará o Concello de Vigo con 650.000 euros. O obxectivo do alcalde é asinar o acordo antes de rematar o ano para iniciar a venda de billetes o un de xaneiro.
mércores, 22 dec 2010
O alcalde e presidente da Fundación, Abel Caballero, presidiu este mércores a reunión do Padroado, que decidiu optar a formas de financiamento distintas ás habituais a través do Estado e da Unión Europea. Caballero recordou que a Xunta de Galicia e a Deputación de Pontevedra adeudan á ProVigo 150.000 euros pero a actividade da entidade continuará xa que "sintetiza o dinamismo económico e social desta cidade".
luns, 20 dec 2010
O alcalde e os concelleiros de Vías e Obras, Isaura Abelairas, e de Promoción Económica e Emprego, Santos Héctor, visitaron este luns o mercado de Teis e o seu entorno para coñecer de primeira man as necesidades do barrio vigués e dos comerciantes, tal e como fixo en pasadas datas no Progreso, nas Travesas e no Calvario. Abel Caballero charlou cos veciños e os usuarios do mercado e coñeceu as súas demandas.
venres, 17 dec 2010
Unha quincena de cidadáns deron lectura este venres a unha serie de textos literarios vencellados con Vigo, recintal que rematou Abel Caballero coas Cantigas de Martín Códax e que serviu para abrir a humanización de Policarpo Sanz. O grupo Troula animou a visita á rúa coa percusión. O alcalde salientou que "estou convencido de que, hoxe, esta é a verdadeira milla de ouro de Europa" e agradeceu o esforzo da empresa, arquitectos, traballadores, veciños e comerciantes da zona.
xoves, 16 dec 2010
Abel Caballero e a senadora pola provincia, Carmela Silva, antiga veciña da rúa, inauguraron hoxe xoves cos veciños á reforma da Espedrigada, en Balaídos, onde o Concello investíu case 350.000 euros na pavimentación, renovación do abastecemento e construción dunha beirarrúa. O alcalde recordou que "en Vigo, todos os cidadáns son iguais" e reiterou a "vontade" municipal de "seguir humanizando todas as zonas da cidade".
