mércores, 12 feb 2014
Caballero entrevistouse este mércores con Juan Carlos Escotet, presidente de Banesco -novo propietario de Novagalicia Banco-, e con Francisco Botas, conselleiro delegado do Banco Etcheverría Grupo Banesco, cita da que o alcalde saíu "moi satisfeito e coa absoluta convicción de que se está a desenvolver un proxecto bancario da maior importancia para Vigo, para as familias e para as empresas".
martes, 11 feb 2014
Caballero indicou que entregará mañá mércores á oposición unhas contas que manteñen o gasto total de 2013, contemplan 11 millóns de investimentos e incrementan un 11,75% as partidas de protección social, ata os 19,2 millóns. O Concello adica 5,3 millóns a emprego, recupera as subvencións para voos e as bolsas de inglés, inclúe 228.000 euros para o proxecto Cíes Patrimonio da Humanidade e destina 2 millóns para cheques sociais de aluguer, de alimentos e carencia enerxética das familias.
venres, 7 feb 2014
Este venres tivo lugar o acto de corte de chapa que simboliza o inicio da construcción do flotel por parte do estaleiro Barreras para a mexicana PEMEX, "simbólico da reactivación" do sector na cidade, segundo o alcalde. Caballero asegurou que "Vigo está de noraboa", amosou a súa "satisfacción" e salientou os "miles de empregos" que xerará o naval.
venres, 7 feb 2014
Abel Caballero prantexará aos grupos políticos do Concello facer un posicionamento conxunto para apoiar a petición de indulto para Carlos Rivas e Serafín Rodríguez, os sindicalistas condeados a tres anos de cárcere por formar parte dun piquete informativo no ano 2008. Logo de manter con eles un encontro, no que tamén estiveron presentes os responsables das tres centrais sindicais, o rexedor transmitiu o seu "máximo respecto a unha sentencia xudicial" ao tempo que precisou que se trata dun caso no que, seguindo todo o procedemento legal, procede solicitar o indulto.
martes, 4 feb 2014
Tras unha reunión co decano co Colexio de Enxeñeiros Técnicos Industrais, impulsores da iniciativa, o alcalde de Vigo indicou que a proposta de crear un Instituto Municipal de Mediación lle parece "razonable" e será estudiado o encaixe competencial cos servizos xurídicos.
venres, 31 xan 2014
O alcalde, Abel Caballero, e a tenente de alcalde, Carmela Silva, interviron este venres durante a xornada Enfermería's Baixas, organizada polo Colexio Oficial de Enfermeiros de Pontevedra. Os profesionais debatirán sobre os coidados da enfermería para o século XXI e as novas competencias e retos do sector.
xoves, 30 xan 2014
O alcalde de Vigo organizará o próximo mércores 5 de febreiro unha reunión con representantes políticos e axentes sociais de toda a área para falar do futuro do mapa sanitario de Vigo. Na súa opinión, é preciso buscar unha solución conxunta fronte a decisión da Xunta de derivar 300.000 pacienes cara á área de Santiago o que redundará na perda de especialidades de referencia.
mércores, 29 xan 2014
Abel Caballero felicitou este mércores ao presidente e os traballadores do estaleiro Barreras, tras adxudicarse a construcción dun flotel para a mexicana PEMEX. Como requisito previo, o alcalde recordou que foi preciso solventar o problema xurdido co tax lease e, unha vez conseguido, a empresa ten demanda para iniciar a actividade e o emprego.
luns, 27 xan 2014
A Alcaldía de Vigo contará durante un mes aproximadamente cun C4 Picasso cedido por Citroën como vehículo oficial para a súa promoción. O rexedor coñeceu esta mañá de luns o coche no que se vai desprazar durante os próximos días e durante o acto, no que estivo acompañado pola tenente de alcalde, Carmela Silva, e outros concelleiros, destacou que se trata do vehículo máis vendido en España ao longo do ano pasado.
mércores, 22 xan 2014
O alcalde, Abel Caballero, e o presidente da Fundación, Miquel Molins, reuníronse este mércores para estudar a "cooperación" nas actividades da entidade en Vigo, onde ten "gran vocación" de actuación. Caballero saudou a proposta e a "forma de entender a actividade bancaria" do Sabadell, que xa desenvolveu accións no MARCO de Vigo.
