venres, 30 abr 2010
Abel Caballero explicou este venres aos colectivos acampados na Praza do Rei -solicitando a apertura dun albergue- que a opción do Concello é que a Xunta de Galicia abra de inmediato a Gota de Leite de maneira provisional para estudar posteriormente en conxunto a habilitación do definitivo. O alcalde asegurou que, de non aceptar o goberno autonómico, Urbanismo xa busca terreos para construilo.
venres, 30 abr 2010
O rexidor local reuniuse esta mañá con Luis Quintero Fiuza para poñelo en coñecemento dos acordos pechados co seu precedesor no cargo. Caballero destacou o carácter afable do Bispo e confiou en manter "unha relación formal e proveitosa"
xoves, 29 abr 2010
O alcalde, Abel Caballero, e a concelleira de Vías e Obras, Isaura Abelairas, visitaron este xoves as obras de acondicionamento da rúa Xílgaro, onde renovarase a rede soterrada de abastecemento e saneamento e construirase unha beirarrúa. A inversión municipal nesta rúa ascende a 270.000 euros e o alcalde amosou a súa "satisfacción" por mellorar un vial en "estado catastrófico e intransitable".
mércores, 28 abr 2010
Abel Caballero inaugurou hoxe mércores a humanización do tramo de Sanjurjo Badía entre Pedro Alvarado e Buenos Aires, que culmina coa mellora de toda a rúa, na que investíuse 4 millóns de euros. O alcalde asegurou que, en Teis, humanizarase tamén o inicio da Avenida de Galicia, o paseo da ETEA e arreglarase a fábrica de conservas Garavilla. Ademais, Caballero avanzou que o paseo da Guía está "a punto de ser terminado" e este ano reforestarase a ladeira con especies autóctonas.
mércores, 28 abr 2010
Abel Caballero manterá próximamente unha reunión co ministro portugués de Obras Públicas para estudar o proxecto que uniría en L as cidades de Oporto, Vigo e Madrid, para que "Vigo recupere a centralidade" na Alta Velocidade ferroviaria. O alcalde amosou a súa "satisfacción" polo "compromiso firme" do ministro de Fomento co AVE directo con Madrid por Cerdedo para 2015.
mércores, 28 abr 2010
O alcalde informou hoxe mércores de que a Xunta de Goberno Local deu luz verde ás adxudicacións provisionais dos traballos de humanización de Tomás Alonso -ata a Curva de San Gregorio-, Bolivia, Padre don Rúa e de López Mora -entre Pi y Margall e José Frau-. Caballero avanzou que as melloras iniciaranse a mediados de maio e finalizaranse en seis meses. "En próximos días" adxudicaranse as actuacións restantes financiadas polo Goberno de España, asegurou o socialista.
mércores, 28 abr 2010
O alcalde, Abel Caballero, inaugurou este mércores unha nova mostra do ciclo Mostrarte, o programa que leva as obras de artistas vencellados coa cidade aos espazos abertos da Alcaldía de Vigo. Desta volta, é o turno do porriñés Leopoldo Varela, un dos artistas galegos máis sólidos e persoais, que plasmou en cores paisaxes vigueses tan características coma o Parque de Castrelos, O Vao, o Náutico ou o Berbés, entre outros.
mércores, 28 abr 2010
O alcalde de Vigo explicou hoxe que a recén creada oficina encargarase de desenvolver este planeamento no que se prevé a construcción de 6.000 vivendas de protección. Anunciou así que en breve se abrirán as listas, os prazos e se iniciará o proceso de edificación. A oficina tamén xestionará os planes de axudas a rehabilitación de vivendas do Goberno e sumará deste xeito novos servizos polo que encargarase da "tramitación e do exercicio de todos os ámbitos de vivenda do Concello"
martes, 27 abr 2010
O alcalde de Vigo, Abel Caballero, ofrecerá un almorzo o día 4 para dar a benvida aos ministros que se reunirán na cidade durante dous días para avanzar nas novas liñas que deberán rexir a Europa Azul. Será a primeira vez na historia de Vigo que os máximos responsables da pesca comunitaria reúnense na cidade.
martes, 27 abr 2010
En Vigo a recén inaugurada oficina sumará un novo servizo como é a canalización das axudas de rehabilitación de vivendas privadas. A Federación Española de Municipios e Provincias, na que participa o alcalde de Vigo, Abel Caballero, acordou co Ministerio de Vivenda que sexan os propios concellos os que leven adiante os proxectos de rehabilitación para particulares.