mércores, 28 mai 2014
O alcalde de Vigo deu conta de que o Xuzgado do Contencioso número 2 de Vigo aceptou a proposta do Goberno local de proceder a licitar un novo concurso para o estacionamento regulado en superficie. Tal e como preveía o Concello, a Xustiza di que mentres que non se resolva o concurso o servizo debe ser prestado pola empresa que o desenvolve nestes momentos. Caballero engadiu que o Concello debe informar ao Xuzgado trimestralmente dos pasos dados para a nova convocatoria que esta adxudicación foi realizada por un goberno anterior e lembrou que esta situación responde a unha decisión do Tribunal Constitucional sobre a adxudicación deste servizo, realizada por un goberno anterior.
venres, 23 mai 2014
O alcalde informou da aprobación das memorias valoradas das obras de mellora das redes de servicios e do pavimento en rúas de Alcabre, Matamá, Navia, Coruxo, Saiáns, San Roque, Sárdoma, Valadares, Cabral, Comesaña e Castrelos, por un importe total de 424.000 euros. Caballero datou para finais do verán o inicio das reformas.
mércores, 14 mai 2014
O alcalde, Abel Caballero, recibiu na mañá de hoxe mércores ao comité organizador deste Congreso Internacional que se organiza dende a Facultade de Ciencias da Universidade de Vigo. O mes elexido para esta convención será o próximo xullo. O rexedor salientou que será un congreso "moi potente" e que contará co apoio do concello, xa que dende a administración local sempre se impulsan os congresos internacionais, científicos e de calqueira característica, que se celebran en Vigo.
luns, 12 mai 2014
O goberno local promove un convenio coa Mancomunidade de Montes Veciñais en Mancomún para o desenvolvemento de actividades de información, sinalización e organización de andainas polos montes de Vigo. Trátase, dixo o rexedor, de aproveitar a oportunidade de que a cidade recupere os seus montes como zona de paseo, de coñecemento, ou de práctica medioambiental.
xoves, 8 mai 2014
A tenente de alcalde animou a toda a sociedade a felicitarse por formar parte desa "gran Europa", cando se cumpren 64 anos da proposta de Robert Schuman. Nun momento no que o proxecto europeo "parece estar cuestionado por parte da cidadanía", Silva inistiu na necesidade de abogar por máis políticas sociais.
xoves, 8 mai 2014
O alcalde de Vigo e vicepresidente da FEMP participa este xoves na reunión da Comisión Nacional de Administración Local, presidida polo ministro de Facenda, Cristóbal Montoro. Entre outras cuestións, os municipios plantean que os investimentos a cargo do superávit de 2013 non computen como déficit este ano ou poidan ser executados ao longo de 2014 e 2015.
martes, 6 mai 2014
Abel Caballero e José García Costas entrevistáronse este martes e amosaron un "acordo total" contra o anteproxecto de lei do Poder Xudicial, que priva á cidade dun partido xudicial propio e das apelacións en Vigo. En declaracións a medios sobre a singularidade viguesa, o alcalde indica que "cremos que o vamos conseguir"
luns, 5 mai 2014
O alcalde comprometou a cooperación do Concello de Vigo cos actos organizados con motivo do centenario do Instituto Español de Oceanografía. Trátase, dixo, "dun recoñecemento global que lle debemos como cidade, como territorio".
mércores, 30 abr 2014
O alcalde valorou positivamente o acordo acadado entre o Concello e a Zona Franca polo que o Consorcio comprará o edificio municipal de Areal para situar o Centro de Evolución Gastronómica de Galicia. Ademáis, a entidade estatal situará un espazo de coworking e un viveiro de empresas no Auditorio Mar de Vigo -cofinanciado co goberno local e a Cámara de Comercio- e fará un aparcamento no Parque Tecnolóxico de Valladares.
mércores, 30 abr 2014
O vicepresidente da FEMP concitou onte o acordo de preto de 200 alcaldes para solicitar ao Goberno Central que os concellos poidan gastar o superávit de 2013 sen que compute no déficit de 2014. Outro dos asuntos que se abordou onte na Federación de Municipios e Provincias foi o anteproxecto de Lei Orgáncia do Poder Xudicial.
