venres, 1 out 2010
Abel Caballero transmitiullo este venres ao director da Comisión Técnica do Comité de Rutas de Galicia, Jacinto Parga, que o presentará na próxima reunión. O Concello entende que potenciar Vigo é o único xeito de que Galicia compita con Oporto, polo que é "central" reforzar as conexións nacionais -principalmente as de Madrid e Barcelona-, impulsar as rutas con Londres e Bruxelas e abrir un voo con Frankfurt.
venres, 1 out 2010
O alcalde de Vigo eloxiou hoxe venres os orzamentos do Estado de 2011, que inclúen "todas as demandas da cidade" e "co financiamento que necesitan", polo que concluíu que "Vigo é a cidade mellor tratada de España". Caballero salientou as partidas de Fomento para Vigo que "garanten" o aeroporto, a alta velocidade e as autovías, onde subliñou a ampliación da ponte de Rande. "Non se pode gastar máis do que aparece nos orzamentos", asegurou.
xoves, 30 set 2010
A confirmación de que PSA Peugeot Citroën fabricará coches eléctricos en Balaídos -en colaboración con Mitsubishi- supón para o alcalde "anclar o futuro do automóbil en Vigo", tanto no coche tradicional como no eléctrico. Xunto a esta nova, o "complemento imprescindible" para a cidade sería a factoría de baterías que Mitsubishi estuda ubicar no Porto Seco. Caballero foi prudente pero aseverou que nesta decisión "case todo apunta a Vigo".
xoves, 30 set 2010
Abel Caballero avanzou hoxe xoves a programación municipal para a conmemoración do Bicentenario da cidade, que caracterízase pola súa "austeridade e sobriedade". As actividades inclúen exposicións, concertos, xornadas de debate, teatro, libros, un certame poético, un selo de Correos conmemorativo, sorteos da ONCE e da Lotería Nacional especiais do Bicentenario e a inauguración o 27 de outubro da Praza do Bicentenario, coa escultura de acero de Silverio Rivas.
martes, 28 set 2010
Abel Caballero valorou hoxe martes a "magnifica nova" da inclusión nos orzamentos do Estado de 2011 dunha partida de 70 millóns de euros para a ampliación da ponte de Rande, que atópase en risco de colapso sobre todo no verán. O alcalde defende esta opción como a máis rápida para aliviar a circulación nos accesos á urbe e alerta do "gravísimo dano á economía de Vigo" que produciría unha maior densidade de vehículos.
venres, 24 set 2010
O alcalde de Vigo, acompañado polos concelleiros de Deportes, Participación Cidadá e Servizos Xerais, participou na tarde do pasado mércores do acto de presentación do Rápido de Bouzas da vixente tempada, con xogadores de todas as categorías, staff técnico e familiares dos futbolistas.
venres, 24 set 2010
O alcalde visitou hoxe venres os traballos de construcción da rotonda que albergará a escultura conmemorativa do Bicentenario, no cruce entre Marqués de Alcedo, Venezuela e Camelias, e indicou que esta terá como base unha fonte que conxugará auga, pedra e pizarra. Na dotación, que xa "funciona moi ben" co balizamento provisional, o Concello investirá 100.000 euros incluíndo a ornamentación.
xoves, 23 set 2010
Abel Caballero ofreceu hoxe xoves a súa "cooperación" ao Porto de Vigo para acometer melloras en Bouzas e apostou por ampliar a proposta portuaria coa construcción dun túnel que permita gañar a superficie para os veciños e conectar este co aparcadoiro soterrado que proxecta o Concello á altura da pérgola da vila. O alcalde asegurou que o mercado dos domingos -ubicado onde o Porto actuará- non volverá á Alameda Suárez Llanos e buscarase unha nova ubicación.
mércores, 22 set 2010
O alcalde de Vigo reclamou este mércores á Xunta de Galicia e ao Comité de Rutas o establecemento de voos que unan Vigo con Bruxelas, Londres e un aeroporto en centro Europa -como Amsterdam, por exemplo- con liñas ao resto do mundo. Caballero buscará o respaldo da Confederación de Empresarios de Pontevedra e da Cámara de Comercio de Vigo para que a Xunta de Galicia "apoie económicamente" estas conexións e poder así "facer fronte" a Oporto.
martes, 21 set 2010
O alcalde, Abel Caballero, reuníuse este martes co Comité Organizador do Salón do Automóbil de Vigo, que en 2011 celebra o seu vixésimo aniversario, e garantíu a cooperación do Concello para publicitar a feira en España e no norte de Portugal. O obxectivo pasa por darlle "dimensión nacional" ao evento, apuntou Caballero.