O alcalde inaugurou este xoves as IV Xornadas "Vigo e o seu Futuro" a cargo da Fundación ProVigo, unha mesa de debate cos responsables do sector terceiro para visualizar o futuro da hostelería, o turismo e comercio. "Levaremos adiante o proxecto que saia dese gran debate", apuntou Caballero.
A tenente de alcalde, Carmela Silva, reiterou hoxe o compromiso do goberno local de impulsar á World Fishing Exhibition, "a feira vencella da á industria pesqueira máis influinte do mundo". Silva criticou o rexeitamento do PP no Congreso dos Deputados a garantir que este importante evento económico se organice en Vigo en 2016.
O alcalde de Vigo participou na presentación da programación de verán de Iberia Express que, ademais de manter a ruta Vigo-Tenerife, aumenta os voos entre Vigo e Palma de Mallorca. Diante dos axentes de turismo locais, Caballero agradeceu á compañía aérea a resposición do primeiro vóo da mañá a Madrid, unha vez que outra empresa deixara de operar ese enlace "por culpa das axudas contra normativa da Xunta".
Abel Caballero trasladou hoxe mércores o apoio do goberno local á Marcha pola Dignidade que partirá mañá xoves desde Vía Norte ata a Porta do Sol as 19,30 horas. Logo de manter un encontro cos responsables das tres centrais sindicais, o alcalde explicou que "hai un gran clamor na rúa" pedindo saídas á crise distintas ás políticas que están enfocando o Goberno central e a Xunta de Galicia.
O alcalde de Vigo acudiu este mércores ao Museo Verbum, en Samil, onde 100 escolares de quinto e sexto de Primaria, procedentes dos centros de San Salvador e Emilia Pardo Bazán, coñeceron a historia da Reconquista de Vigo coa exposición disposta polo Concello. Ao longo dos meses de marzo e abril serán 2.000 os alumnos que disfruten desta actividade.
Magoya Méndez, actual directora financeira da Mancomunidade de Vigo será a nova xerente do ente supramunicipal. Asi o avanzou hoxe o alcalde de Vigo durante unha rolda de prensa na que explicou que vai trasladar esta proposta ao Goberno da Mancomunidade o venres 28 de febreiro.
Abel Caballero recibiu ao cónsul honorario de Italia en Galicia, Francesco Milani, unha vez que o seu homólogo en Vigo se xubilou aos 70 anos. Milani trasladou le ao rexedor que están a buscar substituto e que pretenden que sexa un cidadá italiano. Durante a reunión, Caballero instou ao diplomático a establecer contactos co departamento de Cultura para estudar futuras colaboracións culturais, entre as que podería atoparse a exhibición dunha ópera que está a percorrer Europa con motivo do nacemento de Giuseppe Verdi.
Caballero avanzou a súa vontade de aceptar a proposta de irmanamento coa cidade mexicana de Celaya tal e como lle solicitou por carta o alcalde da mesma, a través de empresarios locais. O rexedor explicou as ventaxes que pode ter compartir sinerxias empresarias e comerciais co principal polo de crecemento do pais azteca que, ademais, ten unha grande industria da automoción que xa mantén relacións comerciais con Vigo.
Caballero destacou hoxe xoves a importancia de acudir á manifestación organizada pola Plataforma en defensa da sanidade pública que sairá ás 20,00 horas da Praza de España. En rolda de prensa avanzou a presencia nesta marcha da voceira socialista no Congreso dos Deputados, da tenente de alcalde, Carmela Silva así como a do propio rexedor.
O alcalde, Abel Caballero, e o secretario xeral de Anfaco, Juan Manuel Vieites, mantiveron este mércores unha reunión na que o rexedor asegurou a cooperación do Arquivo Pacheco para esta mostra, que terá lugar en outubro. Caballero tamén lle trasladou que a confluencia de Beiramar coa rúa Coruña será bautizada como a Praza da Industria Conserveira.