mércores, 27 out 2010
Dentro dos actos conmemorativos do Bicentenario da Cidade, o Concello distinguiu este mércores nun acto institucional a dez entidades "que desempeñaron e desempeñan un papel clave na configuración do Vigo heteroxéneo do século XXI", segundo indicou o alcalde. Os recoñecementos recairon en Caixanova, no Celta de Vigo, en PSA Peugeot Citroën, na Cooperativa de Armadores -en representación do sector pesqueiro-, no Faro de Vigo, en Hijos de Barreras -no nome do naval vigués-, no Porto, en Radio Vigo, na Universidade e na Zona Franca.
martes, 26 out 2010
O alcalde de Vigo, Abel Caballero, acudiu este martes a Madrid para participar na reunión da Comisión Executiva da Federación Española de Municipios e Provicias (FEMP). O ente mostrou o rexeitamento unánime e a absoluta reprobación ás declaracións efectuadas polo alcalde de Valladolid, Javier León da Riva, sobre a Ministra de Sanidade, Igualdade e Política Social, Leire Pajín.
luns, 25 out 2010
O alcalde Abel Caballero, avanzou este luns que con motivo dos actos do Bicentenario o goberno municipal recoñecerá a dez entidades e colectivos de Vigo, como agradecemento á súa labor durante parte dos 200 anos que cumpre a cidade olívica. Caballero destacou que o galardón "sintetiza as institucións que con dimensión histórica veñen camiñando coa cidade".
venres, 22 out 2010
O alcalde de Vigo, Abel Caballero, o director da ONCE na cidade, Arturo Parrado e a presidenta do Consello Territorial da ONCE de Galicia, Dolores Venancio, presentaron hoxe venres o cupón conmemorativo do Bicentenario da cidade cuio sorteo realizarase o 27 de outubro. Preto de 22.000 axentes vendedores comercializarán un billete que percorrerá o país.
venres, 22 out 2010
Abel Caballero avanzou que os técnicos estudan desde hai tempo unha reforma da circulación no ámbito do Concello para mellorar o tráfico e a seguridade viaria así coma para acadar un aceso ao Concello "ben deseñado". A partires do luns 25 de outubro anunciou Caballero que a rúa Cachamuíña recuperará o dobre sentido de circulación e xa o martes 26 establecerase sentido único descendente no Paseo de Granada, no treito entre Camelias e Praza do Rei.
venres, 22 out 2010
O alcalde de Vigo reuniuse na tarde de onte co comité de empresa do estaleiro vigués de Vulcano e asegurou que nestes momentos "difíciles" os traballadores poden contar co seu "apoio incondicional". O rexedor apuntou trala reunión que é necesario que Vulcano mateña a súa actividade e en consecuencia os empregos que xera.
venres, 22 out 2010
Segundo os datos ofrecidos polo alcalde, Abel Caballero, a inversión no pavillón deportivo da antiga Escola de Transmisións e Electrónica da Armada, ascende a 850.000 euros. A Xunta de goberno tamén deu luz verde a unha batería de novas inversións na cidade coma a aprobación inicial da humanización da Avenida de Galicia ou o soterramento de liñas eléctricas en varias rúas da cidade por un importe próximo ao millón de euros.
venres, 22 out 2010
Abel Caballero recibiu onte xoves a varios profesores participantes no programa Vínfora acompañados pola concelleira de Educación Laura López Atrio. O programa inclúese no marco da colaboración e posta en marcha de proxectos, entre o Servizo de Educación da Concellería de Educación do Concello de Vigo e Espazo Ensina S. L.<br />
venres, 22 out 2010
Cando se cumpren dous anos do pasamento do fotógrafo Virxilio Viéitez (Soutelo de Montes 1930-2008) o MARCO acolle unha retrospectiva da súa obra realizada en coproducción coa Fundación Telefónica. O alcalde participou na mañá deste venres na presentación dunha obra que poderá ser visitada ata o 24 de abril do vindeiro ano.