O Pazo Os Escudos acolleu ademais unha xornada sobre o vehículo eléctrico
mércores, 17 nov 2010
O alcalde e presidente da Rede, Abel Caballero, subliñou a "consistente" participación rexistrada, a máis elevada das celebradas ata o momento. O Concello de Vigo presentou as súas liñas estratéxicas para converterse en cidade piloto do automóbil eléctrico, tanto na construción como no seu uso. O modelo vigués abrangue da fabricación ás vantaxes fiscais, a ordenanza municipal e as empresas de instalación e distribuidoras de enerxía eléctrica
mércores, 17 nov 2010
Abel Caballero anunciou este mércores o envío dunha carta ao conselleiro de Medioambiente da Xunta de Galicia, Agustín Hernández, solicitando que inclúa o acondicionamento dos espazos entre os edificios de Navia na nova adxudicación que prevé o goberno autonómico para finalizar a zona verde desta populosa zona viguesa, tras decidir a rescisión do contrato coa actual constructora. "Ten que atender a Navia nas condicións que Navia require", asegurou o alcalde.
martes, 16 nov 2010
Abel Caballero entrevistouse na tarde de onte luns co novo director do Auditorio Pazo de Congresos de Beiramar, o galego Daniel Miranda, e coa presidenta de Congrevigo, Ascensión Durán, empresa encargada da xestión desta dotación. Os prazos da obra prevén á súa finalización este ano, tras o que a concesionaria habilitará o espazo para abrilo ao público cunhas xornadas de portas abertas para a cidadanía.
martes, 16 nov 2010
O alcalde de Vigo, Abel Caballero, acudíu este martes á reunión do Comité de Rutas Aéreas de Galicia, encontro no que a Xunta de Galicia propuxo subvencionar seis conexións desde Lavacolla, dous desde Alvedro e dous desde Peinador. Caballero tachou a proposta de "absolutamente desproporcionada" e denunciou que non existe equilibrio económico entre os tres aeroportos galegos.
luns, 15 nov 2010
Abel Caballero e Antón Louro reuníronse este luns co Comité de Empresa do astaleiro vigués, unha vez foron concedidos os avais á finalización da construcción do buque sísmico 533. Traballadores e autoridades amosaron a súa satisfacción pola concesión do aval por parte de PYMAR que, xunto co do goberno autonómico, permite retomar a actividade á compañía viguesa.
venres, 12 nov 2010
O alcalde acudiu hoxe venres ao antigo chalé Agarimo, en Beade, onde o Concello está a construir unha escola de música para os ensaios da banda da parroquia e para a formación cultural dos rapaces e rapazas. Caballero indicou que esta nova dotación presentaba "moita demanda" na zona e anunciou que o proxecto inicial será ampliado, en coordinación coa formación musical de Beade.
venres, 12 nov 2010
Tal e como anunciara onte xoves, PYMAR (Pequenos e Medianos Astaleiros en Reconversión) acordou conceder 4,3 millóns de euros máis a Factorías Vulcano para garantir, xunto coa aportación autonómica, a finalización do buque sísmico 533, que emprega a unhas 900 persoas. Caballero recordou que PYMAR, participada polo Goberno de España, avala con 47 millóns o barco e con outros 28 máis a actividade da empresa.
xoves, 11 nov 2010
O alcalde de Vigo esixiu este xoves que os avais que poidan conceder a Factorías Vulcano tanto a Xunta de Galicia como PYMAR (Pequenos e Medianos Astaleiros en Reconversión) sirvan para "garantir o emprego" das 800 persoas que traballan na construcción do buque sísmico 533, e non "para outros sitios", como para saldar outras débedas. PYMAR reúnese este xoves en Madrid para analizar os posibles avais ao astaleiro vigués.
mércores, 10 nov 2010
Abel Caballero recibiu novamente ao Comité de Empresa do centro hospitalario POVISA para transmitirlles o seu apoio ante a situación pola que atravesan os seus empregados. A dirección da empresa ten previsto presentar próximamente un Expediente de Regulación de Emprego que afectaría a 1.200 dos 1.500 traballadores, por non ter renovado o concerto sanitario co SERGAS.
O alcalde visitou as instalacións do centro de formación para ver a marcha dos traballos
martes, 9 nov 2010
A peza será unha estrutura composta pola ponte dun pequeno barco realizado por alumnos de Caldeirería Industrial este ano e unha proa feita o pasado ano. Estudarase o equilibrio da composición para ser trasladada posteriormente a Navia. O alcalde destacou na visita o magnífico traballo realizado polos alumnos e felicitou ao centro de formación pola alta calidade das actividades que están a levar a cabo.