luns, 29 nov 2010
Tras a entrega da licenza de primeira ocupación, o alcalde participou o pasado sábado no acto organizado de entrega de chaves das 145 vivendas que conforman a cooperativa que promove o sindicato UGT en Vigo, un edificio que está situado en Navia. A autorización municipal para a ocupación dos pisos foi concedida pola Xerencia de Urbanismo o pasado 12 de novembro.
luns, 29 nov 2010
<br />
O Ministro de Educación, Ángel Gabilondo, viaxou este luns á cidade de Vigo onde visitou un colexio público, o Concello de Vigo e xa pola tarde ten previsto reunirse co rector da Universidade e posteriormente con pais e profesores de colexios da cidade. Gabilondo asegurou que o Campus de Excelencia Internacional, Campus do Mar, suporá para Vigo e para Galicia "unha potencia de transformación". Abel Caballero deu a benvida ao Ministro e afirmou que a súa visita é especialmente importante porque este goberno municipal fai da educación "un tema central".
venres, 26 nov 2010
A conselleira de Traballo e Benestar, Beatriz Mato, e o alcalde de Vigo, Abel Caballero, inauguraron este venres o novo centro de día de Coia, na rúa O Grove. O rexedor vigués amosou a súa "satisfacción" pola posta en marcha dunha dotación que atenderá a unhas 70 persoas e que iniciouse coa cesión do solo por parte do Concello á daquela Vicepresidencia da Xunta de Galicia.
xoves, 25 nov 2010
O alcalde de Vigo decretou este xoves a "paralización inmediata" e valado dos traballos de humanización en marcha na rúa Celso Emilio Ferreiro onde atópanse novos vestixios arqueolóxicos. Ante a relevancia dos restos descubertos nos últimos días, Caballero anunciou que encargará un proxecto para revalorizar este achado e a humanización continuará onde non afecte ao novo "patrimonio histórico e cultural" vigués.
martes, 23 nov 2010
Abel Caballero iniciou este martes os contactos con colectivos da cidade para pulsar a súa opinión sobre o reparto das subvencións a rutas aéreas nos tres aeroportos galegos. O rexedor asegurou que as seis conexións sufragadas a Lavacolla achegarían 266.000 viaxeiros polos 21.000 das dúas de Peinador. Caballero resaltou que empresarios, veciños e hosteleiros comparten a súa "inmensa preocupación" por un reparto "desequilibrado".
martes, 23 nov 2010
En rolda de prensa tras a Xunta de Goberno Local, o alcalde vigués avanzou que o Concello comezará mañá mércores cos traballos de remodelación da piscina e do pavillón deportivo da ETEA, en Teis, e coa rehabilitación dun "edificio simbólico e histórico na cidade", o Garavilla. O Concello realizará un investimento de 1,2 millóns de euros nestas dúas reformas emblemáticas para o barrio de Teis.
venres, 19 nov 2010
O alcalde de Vigo, en representación dos tres grupos políticos municipais, ofreceu hoxe venres un recoñecemento a todas as entidades e institucións promotoras da Excelencia Internacional obtida polo Campus do Mar vigués, un acto do que foron partícipes o conselleiro de Educación, Jesús Vázquez, o reitor da Universidade de Vigo, Salustiano Mato, e o secretario xeral de Universidades do Ministerio de Educación, Marius Rubiralta.
venres, 19 nov 2010
O alcalde avanza que os 7,5 millóns de euros que lle corresponden á cidade en 2011 dos fondos estatais adicaranse a bolsas de comedor, á política social e educativa e a mellorar a calidade de vida dos vigueses. Tanto Gaspar Zarrías coma Abel Caballero felicitaron ao tenente de alcalde polo traballo levado adiante nun pavillón que ten capacidade para 1500 espectadores, dos case que 400 son en grada móbil.
xoves, 18 nov 2010
Abel Caballero asegurou este xoves que iniciará co Comité Permanente de ProVigo -o próximo martes- unha rolda de contactos coas "forzas sociais e económicas" da cidade para estudar o "enfoque" que adopta Vigo ante a "grave situación" das conexión aéreas do aeroporto. O alcalde afirmou que este é un "problema cidade" polo que buscará a opinión de todos para tomar decisións ante o "agravio" da Xunta de Galicia a Vigo, que propón seis voos para Santiago e dous para a cidade olívica.
mércores, 17 nov 2010
Abel Caballero visitou este mércores o Centro Tecnolóxico Gradiant, na Facultade de Telecomunicacións viguesa, para coñecer o seu proxecto "moi avanzado" vencellado ao coche eléctrico e as demostracións realizadas a alumnos de distintos colexios de Vigo sobre sistemas de información vía Google Earth. O rexedor eloxiou a capacidade investigadora viguesa no campo das telecomunicacións e avogou pola "difusión" da capacidade viguesa no I+D+i.