xoves, 2 dec 2010
O alcalde de Vigo, Abel Caballero, e a delegada do Consorcio da Zona Franca acordaron, nun encontro celebrado na mañá deste xoves, que o organismo estatal intensificará as inversións en solo industrial e "acelerará os seus proxectos de inversión". Tal e como explicou o rexedor socialista hai consciencia de que "unha vez que Vigo saia da crise económica" a área viguesa necesitará solo industrial dispoñible". Segundo o acordado na reunión, Caballero avanzou que Zona Franca "arrancará de xeito inmediato o edificio do Parque Tecnolóxico".
xoves, 2 dec 2010
Abel Caballero visitou na mañá deste xoves os traballos de remodelación integral de Pizarro, rúa na que o goberno municipal está a investir 6,5 millóns de euros. Abel Caballero avanzou nesta visita que este próximo sábado abrirase definitivamente a zona verde da zona alta de Pizarro e que o barrio de Ribadavia contará cunha gardería municipal
xoves, 2 dec 2010
Abel Caballero mantivo un encontro coa directiva do Real Club Celta de Vigo para transmitir unha mensaxe de unión e o bo posicionamento da cidade, "á altura de urbes coma Madrid, Barcelona, Bilbao ou Porto". Pola súa banda arlos Mouriño avanzou que unha vez coñecida a decisión da FIFA, e en caso de que a candidatura formada por España e Portugal resultara elixida, sucederíanse as reunións no Concello para asentar as bases.
xoves, 2 dec 2010
O Club Financieiro de Vigo acolleu esta tarde o almorzo coloquio do alcalde de Vigo no que o rexedor aportou a súa visión da cidade, do seu presente e do seu futuro, a través das claves económicas que a caracterizan; a industria automobilística, a industria naval, a hostalería e o turismo conforman os eixos básicos da capacidade dunha urbe que debe pilotar a súa sustentabilidade en oportunidades como o desenvolvemento de infraestruturas tales coma o aeroporto, a alta velocidade, a autopista do mar ou a ampliación de Rande, entre outras.
mércores, 1 dec 2010
Abel Caballero quixo expresar este mércores a súa benvida aos integrantes do Consello de Administración da nova caixa de aforros, que celebra hoxe en Vigo a súa primeira reunión "de toma de decisións". A nova entidade financeira terá en Vigo a súa sede operativa e directiva, co que nace "unha nova caixa desde Vigo para Galicia", afirmou o alcalde, "capaz de liderar o sistema financeiro" da comunidade.
mércores, 1 dec 2010
O alcalde fixo hoxe mércores entrega da licenza de primeira ocupación á cooperativa de vivendas protexidas que promove da Federación de Asociacións de Veciños "Eduardo Chao" en Navia. En total, sumadas as iniciadas polo Instituto Galego de Vivenda e Solo e polo sindicato UGT, o Concello deu nas últimas semanas licenzas para "720 vivendas libres de especulación". "Este é o modelo que queremos facer en toda a cidade de Vigo", concluíu.
mércores, 1 dec 2010
Abel Caballero e distintos edís da corporación municipal asistiron esta tarde ao acto organizado polo grupo IMAN na lonxa do Concello por mor do Día Mundial da SIDA. O grupo de autoapoio levou a cabo durante este mércores unha xornada de sensibilización coincidindo co Día Mundial de loita contra a VIH.
martes, 30 nov 2010
Abel Caballero acompañou na mañá deste martes ao presidente da Xunta, Alberto Núñez Feijóo, na súa visita ao Pazo de Congresos de Beiramar onde constataron que se trata dunha obra "magnífica". Caballero salientou o "gran esforzo" do Concello pois lembrou que, á chegada do actual goberno, o proxecto estaba "literalmente quebrado" e corría un serio risco de "non poder ser levado adiante"
martes, 30 nov 2010
O alcalde reuniuse neste martes co director da factoría viguesa de PSA Peugeot Citröen, Pierre Ianni, co que realizou un revisión a situación económica actual e as previsións de futuro. Ante as posibilidades da caída da demanda e da restrición da produción Caballero avanzou que se traballa xa nun proxecto que permitiría recuperar as taxas de emprego.
luns, 29 nov 2010
Abel Caballero, entre outras personalidades, acudiu onte domingo á Casa Galega da Cultura en Vigo onde a Editorial Galaxia ten habilitado un libro de condolencias na memoria do intelectual galeguista Francisco Fernández del Riego. Durante a pasada xornada, múltiples literatos, políticos e ilustres da sociedade viguesa e galega quixeron rendirlle unha última homenaxe.