Viaxe enmarcada no convenio asinado entre o Concello e Vueling
xoves, 5 mai 2011
Traballadores do metro, xornalistas ou estudantes de máster forman parte da poboación viguesa residente na capital inglesa. Os residentes consultados piden a continuidade do voo Vigo-Londres máis alá do mes de outubro. Heathrow é o aeródromo máis próximo á cidade, o mellor comunicado ademais de contar co maior tráfico internacional de Europa.
mércores, 4 mai 2011
O alcalde de Vigo recibiu na mañá deste mércores a Christian Fernández Mariño, único vigués que obtivo medalla na Olimpiada Spain Skills de formación profesional, que celebrouse a comezos de abril en Madrid coa participación de 262 persoas. Christian é alumno do centro de FP Politécnico de Vigo e representará a España no campionato europeo da modalidade.
mércores, 4 mai 2011
Abel Caballero destacou que Vázquez Varela "clamaba pola necesidade da súa humanización", mellora para a que o Concello de Vigo destinou máis dun millón de euros e rematará en 15 días. O rexedor vencellou esta obra ás xa acometidas noutras rúas do entorno, como Urzáiz, Pizarro, San Salvador ou Condesa Casa Bárcena e engadiu que Vía Norte será reformada co proxecto de Thom Mayne para a estación de ferrocarril, a iniciar este verán co derrubo da actual en Urzáiz.
martes, 3 mai 2011
O alcalde de Vigo, Abel Caballero, informou este martes á Federación Provincial de Hostelería da decisión de manter a rebaixa nas taxas municipais para a instalación de terrazas, para axudar á reactivación económica e do emprego no sector. Caballero transmitiulles ademais que teñen "liberdade" para ornamentar as mesmas sempre e cando axústense ao espazo autorizado. O alcalde tamén adiantou a "vocación" municipal de manter a taxa cero na concesión de licenzas de actividade e de primeira ocupación.
venres, 29 abr 2011
O alcalde de Vigo afirmou que "estamos nun bo principio" ao ter aprobado o goberno autonómico o anteproxecto de lei da Área Metropolitana de Vigo, un paso "na boa dirección" para chegar a un "bo acordo" entre as administracións na definitiva lei que entre en vigor. Abel Caballero avogou por abrir un "franco, claro e aberto" diálogo coa Xunta de Galicia e anunciou que pedirá unha entrevista para "iniciar de forma inmediata" as conversas sobre o anteproxecto.
venres, 29 abr 2011
O alcalde de Vigo garantiu a colaboración municipal nas actividades previstas pola entidade na cidade, como a celebración o próximo sete de maio no Pavillón das Travesas dos XVI Xogos Autonómicos de Fútbol Sala - Trofeo Carlos Outeiriño. Special Olympics Galicia é unha entidade sen ánimo de lucro para a promoción e inserción social das persoas con discapacidade intelectual e as súas familias.
xoves, 28 abr 2011
O alcalde de Vigo, Abel Caballero, rubricou este xoves cos responsables de Agarimo un convenio de colaboración para apoiar a actividade desta entidade na cidade. O primeiro edil subliñou a "gran dinámica" desta formación na atencións ás persoas de idade mediante distintas actividades, como a organización de viaxes ou eventos culturais de diversa índole.
xoves, 28 abr 2011
O alcalde, Abel Caballero, e a Asociación de Directores de Colexios Públicos de Vigo reuníronse este xoves para ratificar a vontade das partes de "seguir cooperando" na defensa da calidade do ensino público e rubricar o compromiso municipal de manter os fondos que adica o Concello á autoxestión dos centros. Caballero avogou por "dar facilidades" aos colexios para acceder aos mesmos e defendeu a súa "vocación" de ampliar as partidas económicas.
mércores, 27 abr 2011
Abel Caballero e distintos membros do goberno local percorreron hoxe mércores as rúas Colón e Areal ata chegar ás obras de construcción do novo aparcadoiro soterrado desta rúa, que sumará un total de 330 prazas, das que 64 estarán resevadas para residentes. A superficie desta infraestrutura supera os 5.000 metros cadrados e conlevará ademais a humanización da rúa, tal e como fixo o Concello nos de Policarpo Sanz, Jenaro de la Fuente, a Avda de Castelao e Pintor Colmeiro.
martes, 26 abr 2011
O alcalde de Vigo e o concelleiro de Promoción Económica e Emprego, Santos Héctor, visitaron este martes a empresa Utilvigo, que elabora o material que controla a calidade das pezas da industria automobilística principalmente. Caballero eloxiou a "capacidade" innovadora da compañía e indicou que "na saída da crise, Vigo ten que ocupar unha posición relativa máis poderosa da que ocupabamos ao entrar".
