Abel Caballero acudiu este venres á tradición reunión de profesionais do dereito na festa anual da Avogacía, celebrado na sede do Círculo Mercantil da rúa do Príncipe. O acto foi amenizado polo concerto do Coro do Colexio e cun posterior viño para os numerosos asistentes
O alcalde de Vigo, Abel Caballero, inaugurou este venres a humanización das rúas Doutor Cadaval, Lugo e Perú, no entorno da chamada Praza de El Pueblo Gallego, onde atópase actualmente a sede da delegación de Vigo do Colegio Oficial de Arquitectos de Galicia. Caballero salientou a "xestión" do goberno local e recordou a rebaixa da débeda en case "vinte puntos", ten o nivel porcentual de débeda máis baixo de España e sitúase como o concello estatal cun menor gasto en persoal municipal.
Abel Caballero acudiu á ofrenda floral aos expresidentes do Centro Cultural e Veciñal de Valladares así como á presentación da primeira directiva do Centro. Os actos de conmemoración do sábado 22 de xaneiro remataron cun concerto da Unión Musical de Valladares e a Coral do CVCV (Centro Veciñal e Cultural de Valladares). A iniciativa estivo organizada pola directiva actual cun balance moi positivo destes 40 anos de existencia.
O alcalde, Abel Caballero, e o director galego da entidade, José Luis García Ibáñez, rubricaron este venres o convenio de colaboración polo que Aqualia achega 93.500 euros para participar "na programación de accións e medidas de impulso económico programadas polo Concello de Vigo" para o ano 2011. Segundo estipula o texto, Aqualia "ingresará a favor dos destinatarios das axudas as cantidades que determine o Concello de Vigo".
Abel Caballero inaugurou este mércores a segunda fase da humanización da rúa Tomás Alonso, no tramo da Praza da Industria á curva de San Gregorio, cun investimento de 1,2 millóns de euros. A mellora da rúa ata Pi y Margall suma un orzamento total de 2,6 millóns de euros, do que un 40% destínase á renovación das redes de abastecemento, saneamento e augas pluviais, segundo explicou o alcalde. A humanización supuxo emprego para medio centenar de cidadáns.
O alcalde de Vigo informou este mércores da aprobación en Xunta de Goberno Local da modificación das tarifas para instalar terrazas na vía pública, que experimentan unha rebaixa do 70%, tal e como anunciara o propio Caballero aos hosteleiros a pasada semana. A decisión de "apoio" ao sector "de cara á crise" pasará polo Pleno da Corporación de xaneiro e será firme en febreiro, aínda que con carácter retroactivo desde este mes, explicou o rexedor.
O alcalde, Abel Caballero, e os organizadores do evento entrevistáronse este martes para analizar o próximo Congreso Nacional de Toxicoloxía, a celebrar o 26 e 27 de xullo no Centro Cultural Novacaixagalicia. Este acontecemento reunirá en Vigo a uns 150 asistentes e expertos en toxicoloxía forense, medioambiental ou laboral, entre as que se atopa o director do FBI, que abordará cuestións relativas as drogas. Caballero comprometeu a súa participación e o Concello ofrecerá unha recepción aos participantes.
O alcalde amosou este luns a súa "satisfacción" polas declaracións do ministro de Fomento, José Blanco, nas que ratificaba a ampliación da ponte de Rande e abría a porta a financiala con aportacións do Estado, unha vez rematada a obra. "É unha moi boa nova", apuntou o socialista, "porque sinala que a ampliación vaise facer e ningunha discusión sobre o financiamento vai paralizala". Caballero defendeu esta medida para evitar un "colapso económico" na cidade.
Abel Caballero confirmou hoxe venres ao responsable da Federación Provincial de Hostelería, José Magaz, que o Concello levará a Pleno a rebaixa dun 70% das taxas municipais para a instalación de terrazas nas rúas, unha medida coa que "intentamos cooperar no lanzamento deste sector económico" e do seu emprego, ao que a crise económica está a afectar de xeito "moi significativo". "Merece a pena este esforzo", asegurou o alcalde vigués.
Abel Caballero reuniuse co membros do equipo la Liga de Fútbol Indoor que aglutina a xogadores veteranos. O alcalde subliñou o seu desexo de que segan a ser exemplo da xente nova coa posibilidade de velos xogar e aprender deles.