xoves, 17 feb 2011
O plan pretende situar ao evento vigués coma un referente internacional xa que tras a celebración de tres edicións Navalia converteuse na primeira feira de España e na cuarta do mundo do seu sector. O plan presentado onte mércores aséntase na captación de expositores, de visitantes internacionais, na promoción exterior e na creación da marca "Sector naval galego".
xoves, 17 feb 2011
Na reunión celebrada este xoves entre o alcalde de Vigo e a Fundación Vigueses Distinguidos acordouse introducir unha novidade sobre os actos institucionais habituais de cada ano para a conmemoración da festividade do 28 de marzo. Segundo informou Caballero, o 22 de marzo terá lugar un acto en memoria do primeiro Vigués Distinguido e do último en falecer, neste caso, don Francisco Fernández del Riego. Esta iniciativa pretender "rendirlles un tributo" e nace con vocación de celebrarse anualmente.
mércores, 16 feb 2011
O alcalde de Vigo, Abel Caballero, como voceiro do grupo asesor para o nomeamento da nova infraestrutura, informou este mércores que "Mar de Vigo" foi o nome adoptado para o Auditorio Pazo de Congresos, que será inaugurado no mes de abril. O nome responde a que o mar é "o principal protagonista" do edificio e supón ademais unha "homenaxe" a figura de Martín Códax, "o primeiro xuglar civil coñecido no mundo occidental". Apuntou Caballero que a denominación será trasladada e asumida pola Xunta de Goberno Local e a empresa concesionaria.
martes, 15 feb 2011
O ministro de Fomento, José Blanco, o alcalde de Vigo, Abel Caballero, e o arquitecto, Thom Mayne, presentaron este martes o proxecto da nova estación do AVE de Urzáiz, que contará cun aparcadoiro soterrado de 1.350 prazas, espazo de ocio e comercial, e unha gran praza pública superior. O arquitecto salientou que a vista á Ría de Vigo está "sempre presente" en todo o edificio e, xunto con Blanco e Caballero, coincidiron en afirmar que a nova estación introduce a Vigo de cheo no século XXI.
luns, 14 feb 2011
Abel Caballero acudiu este luns á apertura da humanización do tramo de López Mora entre José Frau Ruiz e Camelias, máis de 1,7 millóns de euros para a renovación das canalizacións soterradas e a reforma en superficie, que inclúe a ampliación do número de árbores ata as 90 unidades e xardineiras que suman case 70 metros de lonxitude. O alcalde subliñou que o Plan E, co que foi financiada esta obra, supuxo unha "enorme creación de emprego" na cidade de Vigo, cifrada en 9.000 postos de traballo xunto ao investimento municipal.
luns, 14 feb 2011
O alcalde de Vigo visitou este luns as obras de construción da nova residencia na viguesa rúa Montecelo, que dará cabida a más de 120 persoas e suporá unha creación de emprego en Vigo próxima ao centenar de postos de traballo. Abel Caballero valorou este traballo afirmando que é unha "obra excepcional para a atención aos maiores" no centro da cidade.
mércores, 9 feb 2011
As persoas interesadas xa poden formalizar a súa inscrición para participar no concurso-exposición da Camelia, que terá lugar os días 26 e 27 de febreiro nas instalacións da Zona Franca no Peirao de Bouzas. Nesta ocasión, un total de dez modalidades son as que integran o concurso, aínda que a mesma persoa non poderá participar en máis de dúas, co obxectivo de que os premios sexan distribuídos entre o maior número posíbel de concursantes.
luns, 7 feb 2011
O alcalde e distintos membros da Corporación participaron o pasado sábado no Cemiterio de Pereiró na tradicional homenaxe a Concepción Arenal que organiza Diálogos 90, ceremonia que premiou a traxectoria destas tres mulleres Galegas Destacadas: Carmiña Valverde Roel, pola súa traxectoria ao frente do restaurante El Mosquito; Rasa Jakutyte, concertista de piano e xefa do departamento de Piano do Conservatorio Superior; e Pilar Pallarés, un dos máximos referentes da literatura contemporánea.
mércores, 2 feb 2011
Este mércores tivo lugar a inauguración oficial do novo aparcadoiro soterrado de Policarpo Sanz tras máis de dous anos de traballo, unha obra que fixo posible crear sobre medio millar de estacionamentos, a humanización da superficie e a resolución do "endémico" problema vigués das inundacións da rúa Colón. O alcalde fecilitou á empresa EloyMar Tranvías por unha infraestrutura que "supera os estándares aos que estaban obrigados" polo contrato.
mércores, 2 feb 2011
O alcalde de Vigo, Abel Caballero, visitou este mércores os traballos que realiza o concello -a través do plan de emprego municipal UTIL- no barrio de Navia, nos que se está a actuar nas medianeras, nos espazos entre edificios e na parte traseira. O deseño do goberno local prevé unha zona verde de uso veciñal, algún parque infantil e instalacións deportivas.