O alcalde avanzou que os 15 millóns que recibirá Vigo procedentes do EDUSI permitirán acometer "o proxecto máis importante que nunca se fixo na cidade con fondos europeos". Eloxiou a bondade do Vigo vertical, capaz de concitar a maior asignación económica á que podía aspirar unha cidade nesta convocatoria de fondos da Unión Europea.
Abel Caballero destacou que a recuperación do edificio avanza e será froito dun "grande acordo" e anunciou que a próxima semana estará redactado o prego do concurso de ideas para seleccionar o proxecto. Amais o Concello pulsará a opinión do tecido social e cultural vigués buscando a máxima participación da cidade.
Abel Caballero participou esta mañá no acto de entrega dos premios Galicia Spin Off. Nesta segunda edición, os galardóns outorgados polo Banco Pastor e G Ciencia recoñeceron os proxectos de AllGenetics e Galchimia.
Abel Caballero e Francisco Marambio, Embaixador da República de Chile en España desde o ano 2014, mantiveron un encontro institucional este martes no Concello no que abordaron a actualidade e as relacións entre os dous países. Marambio adiantoulle ao rexedor o nomeamento do novo cónsul honorario en Vigo, unha cuestión que "nos satisfai" e ambos manifestaron compartir a afección polo Celta.
O rexedor participou este luns en Vigo na inauguración do Congreso Mundial de Cefalópodos, organizado pola FAO e Conxemar, no que se debate o presente e futuro dun produto que representa o cinco por cento do total de peixes, crustáceos e moluscos capturados no mundo e o catro por cento do volume total do comercio mundial destas especies. Caballero puxo en valor a importancia do sector da pesca na economía da cidade e de Galicia e, dando a benvida á cidade a todos os participantes, salientou as sinerxías positivas que se derivan de encontros de tantos países e persoas en eventos destas características.
Abel Caballero asistiu este luns aos actos de celebración do Día da Policía Nacional, que se desenvolveron na comisaría de Vigo-Redondela situada na rúa López Mora, onde se impuxo a Cruz ao Mérito Policial á fiscal xefe da área Susana García-Vaquero e ao xefe da Policía Local, Francisco Martínez, pola cooperación permanente entre os dous Corpos de seguridade. O rexedor puxo en valor o traballo que realiza a Policía Nacional en Vigo e destacou a súa colaboración continua coa Policía Local da cidade.
O Concello quere amosar o seu cariño e homenaxe ás persoas que sofren esta doenza e ás súas familias iluminando de azul as fontes da rúa Aragón e sumándose á campaña coa que se conmemora mañá sábado día 1 de outubro o Día Mundial da Artrite. <br />
Este programa de axudas enmárcase no Plan de Emprego Municipal ao que o goberno de Vigo dedica "máis de 4 millóns de euros" para crear postos de traballo. Ademais, a Xunta de Goberno Local aprobou a clasificación de ofertas para a dotación de mobiliario da UNED e a humanización da rúa Bueu cun presuposto superior aos 800.000 euros.
Abel Caballero recibiu este luns na Alcaldía a Gonzalo Díaz del Río Fery, unha reunión "protocolaria", segundo explicou o rexedor vigués, na que o máximo responsable do goberno da cidade trasladou a cooperación viguesa co comandante naval -"que ademais é vigués"- e coa Armada.
O alcalde de Vigo deu conta esta mañá de dúas novas iniciativas de fomento do emprego. Por unha banda, referiuse á resolución da convocatoria de subvencións para espazos coworking, dotada con 30.000 euros, e, en segundo lugar, aludiu á aprobación dun convenio con Citroën de 300.000 euros, que permitirá contratar 60 traballadores.