xoves, 22 set 2016
O goberno local aprobará mañá venres o convenio polo que a Deputación de Pontevedra apoiará voos no aeroporto de Vigo. Deste xeito, o organismo provincial asumirá o custo do concurso público que cubre nestes momentos as conexións con Valencia, Ibiza e Palma de Mallorca.
luns, 19 set 2016
Un grupo de once estudantes vigueses do Máster en Avogacía da Universidade de Vigo inician este luns un período de case un mes de aprendizaxe en diferentes departamentos municipais nos que poderán poñer en práctica os coñecementos adquiridos durante a súa formación. Abel Caballero deulles a benvida ao Concello e desexoulles que sexa unha etapa proveitosa na súa traxectoria profesional. Amais, adiantou que todo o alumnado do máster realizará prácticas no consistorio, en diferentes grupos.
mércores, 14 set 2016
"O primeiro valedor da ampliación do IFEVI para Conxemar é o alcalde de Vigo; por tanto, todos aqueles que estean na ampliación e o fagan con seriedade saben que contan cun aliado imprescindible, que é o alcalde e o Concello de Vigo", aseverou Abel Caballero tras reunirse coa dirección de Conxemar este mércores.
martes, 13 set 2016
Abel Caballero amosou este martes a súa "satisfacción" porque a sesión plenaria da Zona Franca da tarde de onte aprobara por unanimidade tres mocións presentadas polo alcalde: a ampliación do PTL, a ampliación do polígono industrial de Balaídos-Citroën e "o primeiro paso para a rehabilitación e recuperación da Panificadora".
luns, 12 set 2016
O alcalde de Vigo elevou esta mañá "a súa voz no nome de toda a área de Vigo" reclamando máis seguridade no transporte ferroviario. Así o fixo logo de manter un encontro con responsables de sindicatos ferroviarios e de visitar aos bombeiros que participaron no rescate do sinistro ocurrido o pasado venres en O Porriño.
venres, 9 set 2016
O Concello de Vigo decreta tres días de loito oficial en sinal de dor polas vítimas do accidente ferroviario acontecido este venres no Porriño e como mostra de respecto ás familias e aos feridos na traxedia. Así, durante as tres próximas xornadas, as bandeiras do Concello ondearán a media hasta.
venres, 9 set 2016
Abel Caballero compareceu esta tarde ante os medios de comunicación, acompañado pola presidenta da Deputación, Carmela Silva, para informar sobre a cooperación dos efectivos municipais no accidente, amais de manifestar o "pesar da cidade" pola traxedia na que perderon a vida catro persoas e que deixa 47 feridos.
xoves, 8 set 2016
Caballero convocou o Pleno da Zona Franca de Vigo o próximo luns, 12 de setembro, ás 17 horas, sesión na que se abordará o proxecto municipal para recuperar a Panificadora entre o Consorcio e o Concello. A orde do día, informou o alcalde, tamén inclúe a ampliación do PTL e o desenvolvemento do polígono industrial de Balaídos-Citroën.
mércores, 7 set 2016
Abel Caballero inaugurou este mércores a exposición de Camilo Camaño, nunha nova edición de Mostrarte, nas dependencias de Alcaldía declarando a súa "satisfacción" por poder amosar a obra dun "pintor excepcional" dignificando o espazo municipal. Acompañado pola presidenta da Deputación, Carmela Silva, e polo alcalde de Cangas, Xosé Manuel Pazos, onde o artista ten a súa propia casa museo, o rexedor vigués mencionou que a mostra é un exemplo do camiño a seguir na Área Metropolitana onde conflúen os aspectos compartidos polos municipios que a conforman. Camilo Camaño traballa en diversos ámbitos creativos dende a pintura, ata a escultura ou a ilustración reflectindo a súa paixón e inquietudes nas súas obras.
venres, 26 ago 2016
O alcalde presidiu este venres o acto oficial no cemiterio de Pereiró, 80 anos despois do asasinato de alcaldes, deputados e distintos cargos políticos da cidade. "É a nosa homenaxe, desde a Alcaldía da cidade, nun acto oficial, ás persoas asasinadas no ano 36 por ter defendido a democracia e as súas conviccións políticas, de partido e de República", explicou Abel Caballero.