mércores, 29 xuñ 2016
Abel Caballero recibiu este mércores a Yinam Cohen, Ministro Conselleiro da Embaixada de Israel en España, quen lle transmitiu o interese do país de Oriente Próximo pola cidade e, especificamente, polo desenvolvemento da industria e do I+D que experimenta o Concello. Así, ambos abordaron a posibilidade de estreitar relacións proximamente para trazar relacións que acheguen a Vigo e a Israel no ámbito comercial. <br />
mércores, 22 xuñ 2016
O rexedor salientou que na xuntanza celebrada este mércores quedou "constatado que é unha entidade coas contas claras e con superávit" e que seguirá traballando para dinamizar a economía da cidade.
martes, 21 xuñ 2016
Abel Caballero trasladou este martes o pesar e o pésame á familia de Lalo Vázquez Gil, o cronista oficial da cidade, falecido recentemente. O rexedor lamentou a perda dun "gran vigués, un bo amigo, comunicador e observador da cidade", mais valorou que "permanece a súa obra, o seu traballo e a súa amizade".
martes, 21 xuñ 2016
Abel Caballero participou este martes no acto de celebración do décimo aniversario da factoría de automoción, situada no Parque Tecnolóxico e Loxístico de Valladares, onde felicitou aos traballadores e aos directivos polo "gran traballo" que levan adiante. <br />
venres, 17 xuñ 2016
O rexedor asistiu este venres á inauguración da residencia "O Lecer Senior Care" que acaba de entrar en funcionamento en Matamá con vinte prazas dispoñibles para as persoas maiores. No centro tivo a oportunidade de coñecer as instalacións e saudar ao persoal e aos residentes.
martes, 14 xuñ 2016
Convocado pola FEMP un minuto de silencio, o alcalde de Vigo e tamén presidente da Federación trasladou hoxe martes "o noso recordo emocionado" e "respecto" polas vítimas deste "gravísimo atentado terrorista e homófobo", que "o mundo non pode tolerar" e "non pode quedarse nun feito illado", segundo denunciou Caballero.<br />
venres, 10 xuñ 2016
Mañá sábado sairá de Castrelos unha concentración moteira que irá ata Baiona e regresa á cidade para gozar dun concerto no Parque dende as 20:30. Esta é a primeira dunha serie de accións solidarias coas que os mozos vigueses queren concienciar á cidadanía sobre a situación que viven os refuxiados e recadar fondos para a ONG PROEM-AID que traballa na illa de Lesbos, en Grecia.
xoves, 9 xuñ 2016
"A economía só é economía se é economía social", indicou o alcalde este xoves, tras participar na inauguración das VII Xornadas "Valoración, Financiamento e Xestión de Riscos" organizadas pola cátedra AECA Abanca. Caballero avogou ademais por unha economía competitiva "fundamentalmente a través da produtividade"
luns, 6 xuñ 2016
No transcurso da entrevista mantida este luns entre Abel Caballero e varios membros da Asociación Cultural Vila de Bouzas, o rexedor loou a "dinámica" da entidade e comprometeu a cooperación do Concello cos seus proxectos. Ademais, a Xunta de Goberno Local aprobou a convocatoria de subvención ás actividades xuvenís e os convenios con Solidariedade Galega do Pobo Saharauí e con ACOPOVI.
xoves, 2 xuñ 2016
O alcalde vigués recibiu este xoves ao seu homólogo de Verín, Gerardo Seoane, reunión na que abordaron "temas comúns" e "de gran interese", como o legado de García Barbón en Vigo e en Verín, onde viviu antes de vir á cidade olívica.
