O rexedor súmase ao “Non ás guerras” do Colexio Salesiano
Abel Caballero saudou este venres á comunidade educativa do Colexio Salesiano María Auxiliadora de Vigo que se desprazou á Praza do Rei para amosar o seu rexeitamento ás guerras que teñen lugar en diferentes partes do mundo. Diante duns 900 alumnos do centro, congregados ao redor dunha pancarta co lema “Non ás guerras”, o rexedor condenou, especialmente, a invasión asasina de Putin e trasladou o apoio e solidariedade da cidade ao pobo ucraíno.
