O Pleno Extraordinario celebrado este mércores deu luz verde á concesión da Medalla da Cidade a Isabel Pardo de Vera, secretaria de Estado de Transportes, Mobilidade e Axenda Urbana cos votos favorables dos socialistas e o rexeitamento do resto de grupos municipais.
O alcalde anunciou este mércores a medida, que entrará en vigor no próximo curso. O Concello asume o custo íntegro, incluíndo os servizos complementarios. Ao respecto, Caballero lamentou que “as da Xunta non serán gratuítas” xa que “as familias terán que pagar o comedor”. Vigo adica anualmente 2.338.000 euros ás municipais e abona outros 205.000 euros para as autonómicas.
O Concello investiu 42.561 euros na reforma da pista deportiva e de xogos, un novo aparcamento e o circuíto viario para bicicletas.
O alcalde manifestou en rolda de prensa que “non hai ningunha circunstancia específica que xustifique o plan da empresa de reducir o salario aos traballadores e traballadoras”. Incidiu en que a concesionaria ten que seguir traballando de acordo ao contrato e coas retribucións establecidas no convenio.
Abel Caballero deu conta esta mañá do reparto do financiamento do Plan Estatal de Vivenda 2018-2021 no que o Goberno de España achega o 43,47% do montante total, que ascende a 3,7 millóns. Na súa intervención, criticou á Xunta por anunciar unha inversión de 4 millóns para rehabilitación de vivendas en Vigo cando o certo é que só achega 426.000 euros.
Desde este mércores, as cores azul e amarelo do emblema ucraíno locen á entrada da Casa Consistorial viguesa e acompañan ás bandeiras de Vigo, Galicia, España e Europa, en apoio ao pobo de Ucraína e contra a invasión perpetrada polos exércitos de Putin.