Vigo súmase á conmemoración do Día Nacional da Fibrose Quística, que se celebra o 28 de abril, iluminando de verde (a fonte central) e de laranxa (as laterais) as fontes da rúa Aragón na noite deste martes, día 27. O alcalde explicou que o goberno municipal “está encantado” de atender así a petición da Asociación Galega de Fibrose Quística para visibilizar a enfermidade.
O alcalde manifestou este martes en rolda de prensa que un 15% dos 800 millóns que corresponden á comunidade autónoma dos fondos europeos de recuperación deben ir aos municipios e contrapón a xestión doutras autonomías que si achegaron recursos aos seus concellos.
Abel Caballero mantivo este luns un encontro “magnífico e con moi bos resultados” co ministro de Ciencia e Innovación, Pedro Duque, a quen lle trasladou, entre outras cuestións, os proxectos que a cidade está encabezando para optar a recibir fondos europeos.
O alcalde explicou cal é a situación actual das obras de remodelación que se realizan no Estadio Municipal para a construción da nova grada de Marcador e a mellora dos asentos nas ringleiras de Río Baixo.
Abel Caballero achegouse este luns ao novo espazo que vén de abrir a entidade bancaria na rúa do Príncipe onde amais ofrecer solucións financeiras é posible degustar un café elaborado por baristas profesionais e gozar de espazos de coworking e salas de reunións, dispoñibles para todo o público. O rexedor valorou a “idea soberbia, de modernidade e socialización” que supón o “Work Café Vigo”, o primeiro do banco Santander en Galicia, que lle presentou o director deste novo concepto de banco Miguel Queiruga Triñanes.
O alcalde falou este luns de infraestruturas rexeitando o tren a Bouzas que “non o precisa” nin a cidade, nin o Porto e que ademais “rompe” Vigo e avanzou que o túnel de Beiramar será o “proxecto que imos levar adiante”.
O alcalde solicitou unha vez máis a gratuidade do aparcamento do hospital Álvaro Cunqueiro nun momento no que a situación sanitaria converte esta medida en máis necesaria que nunca. Outro dos asuntos que reclamou o rexedor é a cesión do 15% dos fondos que a Xunta recibiu do Goberno de España e de Europa.
Durante a visita realizada ao novo Centro de Atención Integral Amencer-Aspace en Vigo xunto á vicepresidenta da Fundación Amancio Ortega, Flora Pérez e ao vicepresidente, José Arnau, Abel Caballero destacou a “doada cooperación” coa Fundación e con Amencer para erguer esta dotación na cidade.
A Xunta de Goberno Local vén de aprobar a prórroga dos contratos de xestión de actividades estivais destinadas a cativas e cativos nacidos entre os anos 2004 e 2017 e que ten un orzamento de 227.000 euros. O prazo de solicitude abrirá a última semana de maio.
Abel Caballero mantivo un encontro con Sergio Vázquez Torrón, secretario xeral de Infraestruturas do Ministerio de Transportes, Mobilidade e Axenda Urbana con que acordou a “coordinación” das actuacións na elaboración do PXOM e que avanzou a realización dun estudo de alternativas da saída sur ferroviaria.