Abel Caballero remitiu o luns unha carta á directora xeral do Instituto de Maiores e Servizos Sociais, Imserso, para transmitirlle os "serios inconvenientes detectados" en Vigo co programa de turismo, como a ausencia de voos chárter con conexión desde a cidade e a “discriminación” na asignación de prazas de Vigo e A Coruña.
A convocatoria, solicitada polo grupo de goberno, celebrarase a próxima semana.
O alcalde mantivo unha xuntanza coa directiva de Conxemar na que avanzaron na colaboración para poñer en marcha un proxecto que achegue o consumo dos produtos do mar á rapazada. Abel Caballero informou que o Concello pon a dispor de Conxemar un espazo no Mercado do Berbés, sen interromper a acción do Mercado, para levar adiante esta iniciativa. "Hai que seguir familiarizando os produtos do mar cos mozos e mozas, é un consumo saudable e con alto nivel proteico", expresou o rexedor.
Abel Caballero mantivo unha xuntanza coa directiva da Cámara de Comercio de Vigo, Pontevedra e Vilagarcía para abordar a creación dunha incubadora para sectores estratéxicos emerxentes en Europa. Segundo expresou o alcalde, o proxecto podería desenvolverse no edificio de Formega, e estaría dotado con fondos europeos. Para o rexedor trátase dun proxecto "ambicioso" e que abordaría cuestións como a mobilidade urbana, turismo, patrimonio cultural, administración dixital, entre outras cuestións. Caballero non descartou que Zona Franca puidera sumarse ao proxecto ideado pola Cámara de Comercio xunto á Fundación INCYDE.
A Xunta de Goberno do Concello acordou este venres incrementar en 5.000 euros a axuda que percibirá en 2024 a Asociación de Freixeiro de Axuda ao Necesitado, AFAN. Pasará a contar cun total de 65.000 euros, dentro dun convenio plurianual -2022/2025- que ascende a 245.000 euros.
Abel Caballero anunciou este venres que o Concello arrinca o proceso para contar cun novo Plan Integral de Xestión do Sistema de Saneamento que permitirá planificar a mellora da rede da cidade.
“En Vigo temos que estar moi por diante dos demais en todo o relacionado coa transformación dixital das pequenas e medianas empresas e, igual que na proxección mundial do Nadal, temos que ser líderes neste proceso porque a cidade é economía”. É a mensaxe central que dirixiu este xoves o alcalde aos directivos das pemes que participarán no programa “Vigo Dixital Pemes”, e que será impartido polo Centro de Estudos Universitarios Superiores de Galicia, polo que recibirán de forma gratuíta 140 horas de formación, que están valoradas en 14.000 euros. O programa está financiado cos fondos europeos Next Generation EU do Goberno de España.
A 30 edición da Festa da Reconquista de Vigo, que este ano se celebrará en dúas fins de semana intercalados coa Semana Santa: 23 e 24 de marzo e do 5 ao 7 de abril, anticípase como a “crónica dun éxito excepcional” tanto pola participación de miles de persoas na celebración que ten lugar no Casco Vello, como pola ampliación do espazo onde se despregarán o mercadillo e as 70 actividades programadas. Así o anticipou este mércores Abel Caballero ao presentar a “maior romaría urbana” das cidades galegas que este ano incorpora a rúa Elduayen e o Paseo de Alfonso como espazo festivo.
O goberno municipal procederá a iniciar o abono das bolsas de libros en datas próximas, xa que o se está avanzando rápido no proceso de validación e tramitación das solicitudes. Así o confirmou este martes o alcalde ao lembrar que a subvención municipal a cada estudante ascende a 205 euros.
A Xunta de Goberno aprobou este venres 12 proxectos cos que se amplía a rede en malla do servizo de abastecemento da auga. “Seguimos ampliando o mallado da rede”, afirmou Abel Caballero ao explicar que o investimento nas novas obras ascende a 900.000 euros.