A partir do próximo luns 22 de xaneiro retómanse as visitas guiadas ás galerías musealizadas da fortaleza do Castro. Así o avanzou este xoves o alcalde tras apuntar que nos tres primeiros meses de apertura, en 2023, preto de 6.000 persoas percorreron os históricos túneles.
O alcalde detallou este luns que a ocupación do albergue municipal é do 98 por cento, con dúas prazas libres no caso dos homes, coa posibilidade de trasladar ás persoas que requiran axuda a outro espazo se fose preciso.
Abel Caballero entregou as divisas aos 18 homes e 3 mulleres que toman posesión como funcionarios de carreira logo de finalizar o período de prácticas de xeito satisfactorio e despois de ter aprobada a oposición.
Abel Caballero anunciou este xoves que o Auditorio Mar de Vigo retoma a temporada de ópera coas interpretacións de "Otello", de Verdi e de "Carmen" de Bizet, co que se consolida como escenario operístico de referencia para Galicia e o norte de Portugal.
A unha semana de finalizar o prazo para solicitar a bolsa para libros do Concello, dotada con 205 euros por estudante, Abel Caballero chama ás familias a solicitar a axuda destinada aos escolares de Vigo que cursen Primaria, Secundaria, Formación Profesional Básica e Educación Especial en centros de fóra e dentro da cidade. “Non deixen de presentar a solicitude para a bolsa municipal de libros”, apelou o rexedor.
Abel Caballero reuniuse este mércores na alcaldía con Francisco Michavila con motivo da presentación no edificio Redeiras da Universidade de Vigo do seu libro “Paixón polo ensino”. No acto, onde participaron o presidente e o secretario do Consello Social da Universidade de Vigo, Ernesto Pedrosa e Ignacio Rodríguez, o rexedor lembrou a aportación de Michavila como catedrático de matemáticas da Universidade Politécnica de Madrid, e como reitor honorario da Universidade Jaime I de Castelló da que tamén foi fundador. “É un home que estuda e publica sobre a educación”, recalcou ao apuntar a transcendencia da educación para conformar o futuro dos mozos.
Abel Caballero referendou este martes o apoio do Concello á Orquestra Clásica de Vigo polo “nivel excepcional” do traballo que desenvolve a sinfónica que programou, para o primeiro trimestre de 2024, tres concertos centrados nas obras de Reveriano Soutullo, Wolfgang Amadeus Mozart e Johan Sebastian Bach.
Abel Caballero trasladou este martes o pésame do Concello pola morte do pintor Luis Torras tanto á súa familia, como a toda a cidade. “Nacido en Vigo en 1912 era unha persoa moi ligada á cidade. Era un extraordinario pintor, prolífico, cunha gran produción de pintura, e moi enraizado na cidade”, recalcou.
Abel Caballero recibiu hoxe no consistorio vigués a Carlos Vales Villamarín Merino, Director Comercial na cidade, e a Enrique de la Fuente Subiela, recentemente incorporado como Director de Zona de Galicia Sur. Neste encontro "contrastamos a fortaleza económica da área metropolitana de Vigo", como sinalou o rexedor, valorando "a capacidade de emprendemento; renovación e saír fortalecido das crises".
Abel Caballero apuntou este luns que durante a pasada fin de semana, de “prórroga” do Nadal, protagonizado polo apagado da iluminación navideña, o sector hostaleiro de Vigo rexistrou unha ocupación de preto do 50 por cento, superando en 40 puntos a unha situación habitual que conta con entre o 5 e o 10 por cento de reservas.