Cumpridos doce meses desde o confinamento de marzo de 2020, Abel Caballero detallou a acción do Concello durante a pandemia, centrada en materia social, económica e de prevención, e avanzou que “seguiremos á fronte da loita contra o Covid na cidade de Vigo en tanto haxa un só contaxiado”.
Comeza a busca do edificio que albergará a Administración de asistencia Dixital Integral (ADI) para toda Galicia, unha plataforma dirixida a prestar servizos de información e asistencia á cidadanía a través de medios electrónicos que arrancará en Vigo en outubro. Caballero e a delegada da Axencia Tributaria en Galicia, Imelda Trapote mantiveron esta mañá un encontro na Alcaldía para avanzar la procura do espazo axeitado.
A Xunta de Goberno Local aprobou este venres o Programa Autoxestión 2021 que dedica 295.000 euros a 50 colexios da cidade para que acometan obras menores de mantemento e reparación. Tamén deu luz verde ao proxecto de demolición do antigo Camaleón en Samil.
O alcalde de Vigo e presidente da Federación, Abel Caballero, mantivo este xoves unha reunión en Madrid coa vicepresidenta cuarta e ministra para a Transición Ecolóxica e o Reto Demográfico, Teresa Ribera. As partes celebrarán encontros periódicos para orientación, suxestións e apoio ás cuestións locais no Plan de Recuperación, Transformación e Resiliencia.
O alcalde e presidente da FEMP participou de forma telemática na xornada “O futuro dos centros históricos das cidades”, organizada polo Colexio de Rexistradores de España. Caballero citou ao Casco Vello vigués, a acción sobre locais e vivendas, a peonalización da Porta do Sol e os proxectos para o Barrio do Cura e a Panificadora.
Presentado este martes na Zona Franca, Abel Caballero subliñou que a idea naceu no outono e culmina agora cunha proposta “a favor da industria e do territorio, e compatible con outros proxectos similares”. Cun investimento estimado en 151 millóns, Vigo optará a fondos Next Generation da Unión Europea.
O presidente da Femp e a a vicepresidenta primeira do Goberno, Carmen Calvo, presentaron o Plan de Memoria Democrática da FEMP que recolle actuacións de 92 concellos de toda España impulsadas cunha subvención estatal de 750.000 euros.
Na clausura en Madrid da xornada organizada por Exceltur sobre novos paradigmas competitivos nos destinos de sol e praia, coa participación da ministra Reyes Maroto, Abel Caballero defendeu a necesidade de “fortalecer” ao sector para que a oferta vaia “marcando a pauta” das novas demandas turísticas.
O alcalde acompañará mañá á vicepresidenta primeira do Goberno, Carmen Calvo, na presentación do Plan Memoria Democrática, nun acto que terá lugar nas dependencias da FEMP ás 10,00 h. Máis tarde, sobre ás 14,00 h, clausurará por videoconferencia a xornada Exceltur “Nuevos paradigmas competitivos en los destinos de sol y playa”. Durante a reunión, na que tamén estará presente a ministra de Industria e Comercio, Reyes Maroto, presentaranse os resultados do informe SOLYTUR no marco dis fondos Next Genaration da UE.
Vigo será a sede da Administración de asistencia Dixital Integral de Galicia, unha unidade da Axencia Estatal de Administración Tributaria, con 92 traballadores públicos. A ministra de Facenda trasladoulle ao alcalde a pasada fin de semana a elección da cidade para implantar un servizo que ten por obxectivo mellorar a atención aos contribuíntes con medios telemáticos.