mércores, 31 xul 2024
O vindeiro sábado arrincará a montaxe do circuíto onde o 10 de agosto terá lugar o "espectáculo excepcional" da proba de bicicleta de montaña de O Marisquiño, enmarcada no festival da cultura urbana, que se desenvolverá en Vigo do 8 ao 11 de agosto. Así o avanzou hoxe Abel Caballero ao presentar as competición de MBT que se desenvolverá nos dous quilómetros do traxecto entre a fortaleza do monte de O Castro e a Praza do Berbés. “O Marisquiño este ano é a segunda olimpíada, xa que seguramente medallistas de París van estar practicando deporte e competindo en Vigo ”, afirmou.
mércores, 31 xul 2024
Abel Caballero anunciou este martes que o Ministerio de Ciencia Innovación e Universidades concedeu, por segunda vez consecutiva, a distinción a Vigo como “Cidade da Ciencia e a Innovación”, outorgada por primeira vez en 2020, en recoñecemento ao esforzo e aposta realizada pola innovación en todos os grandes proxectos que desenvolve o Concello na cidade.
martes, 30 xul 2024
Abel Caballero garantiu o seu apoio permanente como alcalde de Vigo aos cento dezasete policías e inspectores da Policía Nacional en prácticas que este martes protagonizaron o acto de presentación organizado na Porta do Sol de Vigo. Ante o delegado do Goberno en Galicia, Pedro Blanco, o subdelegado en Pontevedra, Abel Losada, e os mandos policiais galegos, o rexedor recalcou o seu respaldo "porque sei da dificultade do voso traballo e da necesidade de sentir que a sociedade vos apoia". Reiteroulles a súa felicitación, "respecto e afecto" polo traballo que realizan para garantir a seguridade da cidadanía.
venres, 26 xul 2024
O Concello informa sobre a prevención da Hepatite C no Día Mundial das Hepatites Víricas, que se conmemora este domingo 28 de xullo. O alcalde lembrou que Vigo está adherida á Alianza para a Eliminación das Hepatites Víricas en España polo que o goberno seguirá concienciando á poboación sobre esta enfermidade e a súa prevención.
venres, 26 xul 2024
Abel Caballero explicou hoxe que a Xunta de Goberno acordou reclamar pola vía de constrinximento ao Concello do Porriño o pago do abastecemento da auga do ano 2023, que, sumada á anterior xa recoñecida polo Tribunal Superior de Xustiza de Galicia, ascende a preto de 6 millóns de euros.
venres, 26 xul 2024
Abel Caballero convidou hoxe á cidade a participar na "Noite Branca" que se celebrará a partir das oito da tarde en todos os museos municipais e que contará con actividades gratuítas dirixidas ao público de todas as idades. “Quero que todo Vigo acuda a gozar da Noite Branca”, afirmou.
mércores, 24 xul 2024
Abel Caballero recibiu hoxe na alcaldía á embaixadora en España da República Oriental do Uruguai, Ana Teresa Ayala, e ao cónsul Xeral do Uruguai en Galicia, Ramiro Rodríguez Bausero. Durante a visita de cortesía solicitada pola representante do país suramericano, os mandatarios abordaron os temas de interese para os residentes en Vigo de nacionalidade uruguaia. O alcalde detallou aos dous representantes diplomáticos o peso relevante da economía e da sociedade viguesa no conxunto da comunidade galega. O alcalde visitará mañá o buque escuela "Capitán Miranda" no peirao de trasatlánticos do porto de Vigo.
mércores, 24 xul 2024
O alcalde reuniuse esta mañá con Belén Rubio e Natalia Caparrini, vicerreitoras de investigación e de estudantado e empregabilidade da Universidade de Vigo respectivamente, a quen lles trasladou “o apoio” municipal para a celebración do acto de entrega dos premios das universidades galegas aos alumnos cos mellores expedientes da ABAU de 2025.
mércores, 24 xul 2024
O Concello de Vigo decretou hoxe un día de loito oficial en sinal de dor polo falecemento dos mariñeiros do buque pesqueiro “Argos Georgia”
en augas das Malvinas, singularmente, de César Acevedo Durán, patrón de pesca natural de Vigo.
mércores, 24 xul 2024
A pasada fin de semana o servizo nocturno de transporte urbano contabilizou preto de 5.000 utilizacións. “Segue tendo unha afluencia moi importante, e, por tanto, moi bo funcionamento”, afirmou este martes o alcalde.
