xoves, 16 xuñ 2022
O obxectivo do Concello é que o tráfico entre en túnel en Torrecedeira e pase por debaixo do Barrio do Cura, Paseo de Alfonso, Elduayen e Porta do Sol para saír en Policarpo Sanz. “Unha nova concepción da cidade”, valorou Caballero, quen garantiu “respecto total aos vestixios da historia da cidade”.
mércores, 15 xuñ 2022
O achado podería corresponderse coa base da antiga muralla da cidade, segundo explicou Caballero este mércores, quen avanzou que os arqueólogos municipais e autonómicos analizarán os vestixios e ditaminarán como proceder. “Para nós, os xacementos arqueolóxicos son un ben de primeira magnitude, están por diante de todo”, subliñou Caballero.
martes, 14 xuñ 2022
Abel Caballero explicou este martes o procedemento polo que, durante os próximos meses, se completará o escaneado de vías e rúas viguesas que permitirá unha mellor planificación do seu mantemento.
martes, 14 xuñ 2022
“O ascensor Halo vai dar a volta ao mundo porque é excepcional”, avanzou o rexedor este martes, poñendo en valor esta obra que mellorará a comunicación entre a zona baixa e a zona alta da cidade.
xoves, 9 xuñ 2022
Será “unha grande escola infantil nova, nun edificio novo”, apuntou o alcalde, que sinalou a gratuidade das escolas municipais o vindeiro curso “pagadas na súa totalidade polo Concello”.
xoves, 9 xuñ 2022
O alcalde avanzou esta mañá a nova proposta municipal a fondos europeos do Ministerio de Transporte que nesta ocasión ascende a 14,3 millóns dos que o Concello aspira a que Europa financie 9. A remodelación integral do edificio consistorial -dividido en dúas partes – e a rehabilitación das piscinas de As Travesas completan a petición de Vigo nesta convocatoria.
mércores, 8 xuñ 2022
O “Vigo Vertical” sumará este novo elemento mecánico que enlaza o número 120 de Travesía de Vigo co 209 de Aragón. O importe de licitación é de 721.190 euros.
mércores, 8 xuñ 2022
Na presentación do campus deportivo de verán do club, Abel Caballero trasladou públicamente ao presidente do Coruxo FC a intención municipal de arranxar a cuberta da bancada e afrontar a remodelación da fronte do estadio. Ademais, o alcalde anuncioulle que o Concello aumentará a súa asignación económica ao club como entidade de elite.
mércores, 8 xuñ 2022
“O problema máis importante da cidade é a auga e imos resolvelo o Goberno de España e o Concello”, avanza, dada a oposición do goberno autonómico á solución proposta polo Estudo de Alternativas “avalado polo Ministerio de Medio Ambiente”.
venres, 3 xuñ 2022
O alcalde puxo en valor a “importancia desta obra” que vai acometer o goberno de Vigo na Escola de Educación Infantil que permitirá o uso da pista deportiva en condicións de climatoloxía adversa.