xoves, 7 abr 2011
Abel Caballero remitiu á próxima semana para concretar as características da oferta, pero xa adiantou que os interesados poderán inscribirse a título individual, tras o que conformaranse as cooperativas que leven adiante as vivendas "libres de calquera tipo de especulación". O socialista explicou que as parcelas están distribuídas "por todo Vigo" e permitirán edificar sobre 500 pisos, co que o Concello "responde á demanda de vivendas de promoción a prezos moi alcanzables".
venres, 1 abr 2011
O alcalde de Vigo, Abel Caballero, anunciou hoxe venres o inicio do prazo de inscripción para solicitar unha das vivendas en aluguer "a prezos módicos" que dispón o Concello de Vigo en Navia. Desde hoxe, os interesados poden acudir á oficiña municipal de vivenda -sita na rúa Oporto, 1- para a inscripción e ata o 16 de maio, despois de que o Boletín Oficial da Provincia publicase onte a resolución. Caballero saudou esta "moi boa nova" ao tratarse das "primeiras vivendas das que dispón o Concello" para aluguer.
martes, 15 mar 2011
O alcalde de Vigo informou hoxe martes de dous novos ditames xudiciais relativose favorables ao Plan Xeral de Ordenación Municipal de Vigo. Unha sentenza ratifica a calificación do solo nas proximidades á Praza da Industria e a segunda confirma que duplicar a vivenda protexida non é unha modificación substancial e por tanto non precisa de nova exposición pública. Segundo apuntou o alcalde, trátase dunha "nova sentenza, e van dez, favorable á validade do Plan".
mércores, 9 mar 2011
O alcalde, Abel Caballero, avanzou este mércores que Urbanismo dará mañá luz verde ás bases que regularán a saída en aluguer de 35 pisos municipais en Navia, con prezos entre 116 e 166 euros. A inscripción estará aberta 45 días desde a publicación da resolución no BOP. O goberno local destinará 7 para situacións de emerxencia social -xestionados pola Concellería de Benestar Social-, 6 para persoas de mobilidade reducida, 13 para persoas con ingresos inferiores ao 1,5 do valor do IPREM e as 9 restantes para vigueses cunha renda entre o 1,5 e o 2,5 do devandito índice.
venres, 4 mar 2011
O alcalde de Vigo reuníuse este venres cos responsables de Aspanaex para transmitirlles que o goberno local está "en disposición de garantir" que o novo centro que a entidade quere construir se axusta á legalidade urbanística vixente. O alcalde amosou a súa "satisfacción" por "facer as cousas na legalidade" e pola "gran dimensión social" desta obra, que ten "todo o apoio" do Concello.
martes, 1 mar 2011
Abel Caballero anunciou este martes que o próximo Consello da Xerencia municipal de Urbanismo recepcionará 38 vivendas en Navia correspondentes ao Concello da promoción autonómica. Uns 35 pisos -de entre 80 e 87 m2- sairán en "aluguer moi accesible", con prezos entre 116 e 166 euros, para persoas con mobilidade reducida e para niveis de renda non superiores aos 2,5% do IPREM. As restantes serán empregadas polo municipio para fins sociais.
xoves, 24 feb 2011
O Consello da Xerencia municipal de Urbanismo, celebrada este xoves, acordou iniciar a redacción do estudo do novo proxecto viario de entrada a Vigo desde o Seminario. O alcalde de Vigo, Abel Caballero, explicou que é preciso "readaptar" este acceso atendendo á proxectada autovía de Vigo a Porriño. O trazado anterior, que creaba un novo vial ata Finca do Conde, foi "descartado" en conxunto co Ministerio de Fomento por ser "un novo corte en medio da cidade de Vigo".
mércores, 9 feb 2011
O alcalde fixo pública este mércores unha nova sentencia xudicial favorable aos intereses do Concello de Vigo -suman xa sete- en relación ao Plan Xeral. Neste caso, o Tribunal Superior de Xustiza de Galicia avala a duplicación da porcentaxe da vivenda protexida sen necesidade de exposición pública previa, porque non implica a "alteración do uso residencial dos ámbitos" e porque "está xustificado" o incremento no estudo de viabilidade municipal. O recurso era á totalidade do Plan.
mércores, 9 feb 2011
O concelleiro de Urbanismo, José Mariño, informou hoxe mércores que os 40 ámbitos urbanísticos que teñen iniciada a súa tramitación en base ao novo Plan Xeral suman 5,5 millóns de metros cadrados e case 19.000 vivendas, das que máis de 10.000 son de protección oficial. Estes espazos incluirán tamén 740.000 metros cadrados de zonas verdes. O edil amosouse "satisfeito" polos avances urbanísticos rexistrados co novo PXOM pese á crise económica e financeira actual.
xoves, 3 feb 2011
O alcalde de Vigo informou este xoves da recepción das catro primeiras sentencias relativas a pleitos ao Plan Xeral de Ordenación Municipal, actualmente en vigor, todas "favorables ao Concello". Unha sentencia do Xulgado de Instrucción de Vigo e outras tres do Tribunal Superior de Xustiza de Galicia resolven a favor do municipio na rebaixa da edificabilidade e no incremento da vivenda protexida, entre outras cuestións. Caballero explicou que o goberno local estaba "dentro da legalidade e da política social" cando decidiu duplicar a vivenda de protección no PXOM
