xoves, 27 xan 2011
O edil de Urbanismo explicou que o Concello está disposto a estudar todas as propostas do goberno autonómico para a ETEA e recorda que calquera cambio sobre os usos establecidos no convenio asinado precisa dun novo acordo entre as partes. José Mariño reclamou á Xunta o plan sectoral da zona, do que o Concello non ten coñecemento, e recordou que o goberno local -que executa as obras na ETEA actualmente- "está aberto" a calquera proposta autonómica.
martes, 25 xan 2011
O concelleiro de Urbanismo reuníuse este martes cos propietarios do inmoble, tras o que ratificou que "as sentenzas xudiciais son para cumprir e así o facemos", polo que mantén a planificación para dar cumprimento á orde do Xulgado de derrubar os apartahoteis. Mariño indicou que a propiedade agarda unha nova resolución xudicial para esta semana que paralizaría a execución, ante o que o edil amouse "cauto" e indicou que "se chega outra notificación do xulgado, a acataremos".
venres, 14 xan 2011
O alcalde reuníuse este venres coa responsable da zona norte de España desta cadena de supermercados, Patricia Cortizas, quen lle confirmou que a empresa prevé triplicar a súa presenza na cidade. Actualmente Mercadona conta con dous establecementos en Vigo, na rúa Aragón e no Mercado das Travesas, este último, o centro con máis ventas de Galicia. Caballero amosou o seu "agrado" polos plans da entidade, que ratifican que "Vigo é unha gran oportunidade comercial de presente e futuro"
martes, 4 xan 2011
O alcalde recibiu este martes a representantes deste colectivo que constrúe embarcacións tradicionais e procuran unha nova ubicación para a entidade onde ensamblar e reparar os barcos. Caballero confirmou que Urbanismo estuda unha parcela dotacional próxima ao campo de fútbol de Bouzas e anuncia "cooperación" da Asociación coa Escola Obradoiro municipal "Mar de Vigo", tamén decidada ao sector marítimo tradicional.
martes, 21 dec 2010
O alcalde de Vigo, Abel Caballero, e o concelleiro de Urbanismo, José Mariño, comprometeron este martes "todo o compromiso deste Concello" na ampliación das instalacións da multinacional estadounidense Borgwarner Emissions Systems, que emprega en Zamáns a máis de 400 persoas. O proxecto precisa de 15.000 metros cadrados máis e crearía 200 postos de traballo. "Segue habendo grandes multinacionais que apostan por Vigo", asegurou o alcalde.
venres, 12 nov 2010
Abel Caballero fixo este venres entrega da licenza de primeira ocupación das 145 vivendas que conforman a cooperativa que promove o sindicato UGT en Vigo, un edificio que está situado en Navia. Os pisos, tras a autorización urbanística concedida, poderán ser ocupados en 10 ou 15 días, asegurou o alcalde.
mércores, 10 nov 2010
O concelleiro de Urbanismo, José Mariño, informou este mércores da planificación municipal para "dar cumprimento á sentenza xudicial" de derrubo do inmoble. En 15 días estará elaborado o proxecto, será enviado aos xulgados, notificarase as decisións aos propietarios e os suministros eléctricos e de abastecemento quedarán cortados o 29 de xaneiro. Despois adxudicarase o proxecto de demolición do edificio.
martes, 2 nov 2010
O alcalde de Vigo asinou este martes a orde do día do próximo Consello da Xerencia municipal de Urbanismo que ratificará a licenza concedida polo Concello ás mais de 300 novas vivendas públicas do barrio de Navia. Caballero explicou que o pasado venres os técnicos municipais certificaron a finalización das vivendas de Teixugueiras 15 e hoxe, "nun día", xa foi concedido o permiso para ser ocupados os pisos de protección.
xoves, 21 out 2010
O Consello da Xerencia Municipal de Urbanismo celebrada este xoves deu conta da licenza municipal que evita a demolición das torres de García Barbón, unha decisión que "a lei nos obriga" a tomar, apuntou o alcalde, xa que así o contempla o Plan Xeral vigués. Caballero incidiu en que "non é un acto de vontade política" e defendeu responsabilizar a aqueles que concederon licenzas revocadas polos xulgados. "Remataron as épocas de tropelías urbanísticas en Vigo", concluíu.
