xoves, 29 set 2011
O alcalde de Vigo avanzou que a Concellería de Urbanismo está ultimando unha nova proposta de planeamento para o ámbito do Barrio do Cura, unha vez que a Comisión de Patrimonio non autorizou o derribo dalgúns edificios, tal e como solicitou a propietaria o pasado mes de abril. Tras pedirlle á Comisión "máis celeridade na resposta, Caballero explicou que solicitarán á propietaria que reitere a petición de demolición, para que sexa aceptada e "resolvamos un problema de bastante envergadura na cidade".
venres, 9 set 2011
O alcalde de Vigo, Abel Caballero, informou este venres do nomeamento de María Carneiro como xerente de Urbanismo do Concello. A Xunta de Goberno Local deu esta mañá luz verde ao mesmo, co que Vigo incorpora a "unha das profesionais máis reputadas na área de Urbanismo de toda Galicia", en verbas do alcalde, cunha dilatada experiencia profesional en Galicia e Madrid.
venres, 9 set 2011
O alcalde de Vigo, Abel Caballero, xunto á tenente de alcalde e concelleira de Urbanismo, Carmela Silva, visitaron este venres o inicio das obras de construcción e rehabilitación do edificio do arco Quirós, na Praza da Princesa, "un dos emblemas" na recuperación do Casco Vello xunto á fachada do Berbés. O alcalde estimou en ano e medio a duración das obras de construcción.
luns, 1 ago 2011
O obxectivo do Concello é que a Cidade do Frío sexa realidade o antes posible, tal e como indicou a concelleira de Urbanismo, Carmela Silva, nunha rolda de prensa na que avanzou "que traballan cóbado a cóbado con Zona Franca" para que poidan presentar os plans parciais que faciliten solo industrial terciario e solo dotacional.
venres, 1 xul 2011
A concelleira de Urbanismo, Cascos Históricos e Grandes Proxectos, Carmela Silva, presenciou hoxe venres o inicio da demolición parcial dun edificio situado na rúa Eduardo Chao, actuación acometida "no interese de salvagardar a seguridade". Explicou que esta orde de execución urxente chega despois de que a promotora, responsable da conservación do edificio, non adoptara as medidas urxentes de seguridade que lle foron requeridas pola Xerencia de Urbanismo o pasado mes de decembro
venres, 24 xuñ 2011
A primeira tenente de alcalde e concelleira de Urbanismo informou dunha reunión mantida hoxe venres cos veciños do edificio de Churruca, con sentencia firme de demolición parcial do TSXG, onde explicou que "son os xuices os que toman as decisións" e "este goberno sempre estará do lado da legalidade". A partir de aquí, Silva amosouse disposta a pedir instruccións ao Xulgado sobre como operar no caso de que o demandante solicite ao Tribunal renunciar a parte da execución.
xoves, 23 xuñ 2011
A concelleira de Urbanismo e primeira tenente de alcalde, Carmela Silva, investigou a situación da antena tan pronto tivo coñecemento. Abel Caballero insiste en que neste momento nin sequera se iniciou un proceso de petición de licencia e avanzou que xa se advertiu á empresa de que se "absteña" de facer calquera instalación porque o Concello a paralizaría de non cumprir coa legalidade.
venres, 17 xuñ 2011
A Xunta de Goberno Local incluíu na orde do día os acordos relacionados coa concesión para xestionar tanto o aparcadoiro coma os locais comercias da Praza Francisco Fernández del Riego. Tal e como explicou o alcalde, Abel Caballero, esta decisión pon fin a un largo contencioso herdado de gobernos precedentes e evitase unha indemnización de 25 millóns de euros.
martes, 3 mai 2011
Abel Caballero anunciou este martes que aqueles interesados en optar a algunha das 453 vivendas de protección que construirán cooperativas en solo municipal poderán comezar a inscribirse desde o próximo venres na Oficina municipal de Vivenda. Os pisos construiranse en zonas como O Calvario, Ramón Nieto, San Roque ou Rosalía de Castro, e poderán optar unidades familiares que non superen os 47.000 euros anuais de ingresos.
luns, 18 abr 2011
Algunhas das parcelas, adiantou o alcalde, estarán emprazadas na Praza Elíptica, en Rosalía de Castro, en Lavadores, San Roque, Navia-Alcabre e en Aragón, entre outras. As vivendas "libres de plusvalía" rondarán os 90 metros cadrados e os 120.000 euros, e ergueranse como cooperativa de particulares. Caballero valorou que, por primeira vez, o Concello dispoña dun censo de terreos da súa titularidade, e adiantou que a próxima semana publicarase o listado de parcelas para VPO.
