O concelleiro de Urbanismo, José Mariño, reclamou hoxe martes ao goberno autonómico a presentar unha proposta de modificación do plan parcial de Navia que permita edificar outras 1.180 vivendas protexidas, segundo o protocolo asinado en febreiro de 2009 entre o Concello e a Xunta de Galicia. O edil cualificou de "prioritaria" esta actuación.
O Consello da Xerencia Municipal de Urbanismo celebrada este venres deu luz verde á adxudicación da redacción do proxecto do futuro túnel de Julián Estévez, cun investimento de 1,1 millóns de euros. A empresa adxudicataria do deseño da infraestrutura terá 10 meses para levalo adiante e posteriormente o Concello sacará a licitación as obras.
O presidente da asociación boucense, Moncho Vázquez, reuniuse na mañá deste martes co alcalde de Vigo para manifestarlle á necesidade dun novo local para gardar as embarcacións en seco. Abel Caballero trasladou o proxecto que presentado a Urbanismo para que realicen o dictame xurídico ao respecto.
Abel Caballero alabou a labor desempeñada por Aspanaex non só en Galicia senón coma unha referecia a nivel nacional, polo que avogou por acadar unha solución urbanística aos problemas de crecemento do local desta agrupación. Urbanismo estudiará dúas posibles vías que lle permitirían elaborar o proxecto do seu edificio en Castrelos
Abel Caballero, requerido polos medios de comunicación, afirmou este venres que o proxecto do arquitecto Rafael Moneo para a Praza do Rei "segue adiante" e actualmente estanse a preparar os pregos económico e xurídico para o concurso administrativo. O plan, recordou o alcalde, "é viable e sen custe para a cidadanía". Caballero informou tamén da aprobación dun gasto de 345.000 euros para arranxos no edificio do Concello.
O concelleiro de Urbanismo, José Mariño, presentou este xoves un convenio que asinará co Colexio de Arquitectos para potenciar a tramitación dixital de licenzas na Xerencia de Urbanismo, que actualmente só supón un 10% do total. O edil explicou que, coa autorización do propietario, o COAG remitirá a documentación dixital ao Concello, procurando que "a tramitación sexa máis áxil" para poder conceder licenzas en tres meses.
A Xerencia Municipal de Urbanismo, en sesión ordinaria deste xoves, adoptou a decisión de "iniciar a contratación do servizo de redacción do proxecto de execución do túnel de Julián Estévez". Segundo o acordo suscrito coa Xunta de Galicia, o Concello licita o devandito servizo, que financia o goberno autonómico. Urbanismo aprobou tamén o pago de 116.000 euros polo proxecto de ordenación do entorno da Praza do Rei, realizado polo arquitecto Rafael Moneo.
O Concello de Vigo ven de adherirse ao programa "Urbanismo en red" polo que os veciños poderán aceder á información urbanística, de xeito inmediato e personalizado, na web do Concello. A iniciativa, fruto dun convenio marco entre os Ministerios de Industria, Turismo e Comercio, dará resposta a unha demanda social de transparencia. Os traballos xa comenzaron no mes de abril.
Á solicitude da Xerencia emitiuse informe sobre a área de planeamento APR A-3-14 Chouzo, na que se persigue a creación dunha praza que poda acoller a "ubicación de novos equipamentos do que se deu en chamar a Cidade da Xustiza". O informe municipal contempla varias fórmulas para a obtención de terreos coma por ocupación directa, por permuta forzosa, por convenio urbanístico ou mediante expropiación forzosa.