martes, 8 nov 2011
Tras as inspeccións técnicas realizadas, Caballero apuntou que "o desaloxo de A Seara posiblemente remata hoxe mesmo" polo que "seguramente mañá" mércores os catro afectados do inmoble anexo retornarán ás súas casas. Por outra banda, os inquilinos do número 18 da rúa Colombia volverán "entre hoxe e mañá" mércores a casa e os do número 20 "nun prazo máximo de dúas semanas", tras ver os técnicos que os "danos" son "menores do que se preveían".
luns, 7 nov 2011
O alcalde de Vigo explicou que os técnicos de Urbanismo inspeccionan os edificios desaloxados na rúa Colombia e "cremos que van plantexar que os inquilinos do número 18 poderán volver" ás súas vivendas, non así os do número 20, que tardarán "algúns meses". En A Seara, onde Urbanismo derrubou un inmoble en condicións de ruina, Caballero estimou que mañá poderían retornar os catro afectados realoxados dun edificio contiguo.
venres, 4 nov 2011
O alcalde informou que a Xerencia municipal de Urbanismo deu conta este venres da licenza concedida á Tesorería para a súa nova sede en García Barbón con Rosalía de Castro, na antiga Metalúrxica, obra cun orzamento do Goberno de España de 18 millóns. Ademais, Urbanismo concedeu hoxe licenzas por valor de case medio millón de euros.
xoves, 3 nov 2011
O alcalde de Vigo, Abel Caballero, informou que o Tribunal Superior de Xustiza de Galicia deu quince días ao Concello para a "inmediata execución da sentenza firme" imposta no ano 2000, anulando o estudo de detalle e a licenza concedida polo goberno local en 1995 e 1996, respectivamente. "Como facemos sempre, obedecermos os mandatos" xudiciais, indicou o rexedor, quen adiantou que Urbanismo estudará a situación dos tres edificios afectados co novo Plan Xeral en vigor.
xoves, 3 nov 2011
Caballero explicou que os técnicos de Urbanismo e das empresas contratadas pola empresa promotora do edificio colindante e dos inmobles afectados da rúa Colombia continuarán durante uns días estudando o alcance dos danos na estrutura dos números 18 e 20 da rúa Colombia. O alcalde indicou que as inspeccións continuarán ata o luns e o goberno local manterá os realoxos ata a finalización das prospeccións técnicas.
mércores, 2 nov 2011
Abel Caballero explicou que hoxe mércores están inspeccionando polo miúdo os tres inmobles os técnicos municipais e as empresas contratadas polos propietarios dos mesmos e pola promotora do edificio colindante, informe que rematarán entre esta tarde e mañá xoves e sobre o que o Concello tomará unha decisión definitiva. O Concello xa comunicou aos veciños afectados a folla de ruta.
xoves, 27 out 2011
A primeira tenente de alcalde e concelleira de Urbanismo, Carmela Silva, adiantou este xoves algunhas das claves do orzamento de 2012 da Xerencia, unhas contas que multiplican por catro as partidas para desenvolver o Plan Xeral a través de asistencias técnicas e duplica as destinadas ás expropiacións. "Estamos envorcados en desenvolver o PXOM de Vigo", recordou a concelleira.