venres, 18 dec 2020
Abel Caballero visitou este venres as instalacións do centro comercial Coia 4 logo das obras de reforma e rehabilitación realizadas tralo incendio que sufriron o pasado mes de outubro e que danou arredor de 80 locais. O rexedor trasladoulle aos comerciantes o ánimo e apoio do goberno municipal no reinicio da actividade e felicitounos pola axilidade coa que foron quen de acometer os traballos de rehabilitación e reparación dos espazos
xoves, 17 dec 2020
Abel Caballero asistiu este xoves, xunto ao delegado de Zona Franca, David Regades á inauguración do restaurante Milongas Parrillada no centro comercial A Laxe, que inicia a súa actividade en Vigo cun equipo de 15 persoas. O rexedor visitou o espazo, situado na área de restauración na segunda planta do centro, e trasladoulle os seus parabéns aos responsables de Milongas pola súa iniciativa empresarial tamén en tempos de pandemia.
xoves, 17 dec 2020
O alcalde participou este mércores por videoconferencia no II Foro Nacional “Turismo e despoboamento rural” no que defendeu a necesidade de “reverter a desertización e o despoboamento rural que é unha degradación do territorio”. Aposta Caballero polo uso dos fondos europeos e dos fondos Covid do Goberno de España no repoboamento do rural xa que o turismo, dixo, “debe estar ligado ao territorio”, sendo “unha “panca” para a repoboación polo que precisa de axudas. E no ámbito rural, a actividade lígase a oportunidades económicas e á calidade de vida que “debemos potenciar”.
venres, 11 dec 2020
Abel Caballero deu conta esta mañá dunha subvención de 75.000 euros para que FEPROHOS contrate a 15 controladores que se encargarán de garantir a seguridade Covid na hostalería da cidade. A misión destes profesionais será informar a empresarios e clientela sobre procedementos acordes á normativa sanitaria.
venres, 4 dec 2020
Este novo sistema permitirá realizar percorridos virtuais para turistas e cidadáns sobre o patrimonio cultural, medioambiental e histórico, así como rutas de exposicións interactivas con vídeos e audioguías na rede de museos municipais. Estará en operativo nos teléfonos móbeis a partir do luns 7 de decembro.
mércores, 25 nov 2020
Todos os grupos municipais -coa excepción do PP – solicitan á Xunta os cambios normativos que permitan a compatibilizar as prestacións do RISGA e do Ingreso Mínimo Vital. Tal e como explicou a concelleira Yolanda Aguiar a reformulación da prestación económica é moi urxente dada a crise sanitaria e económica que estamos a atravesar.
mércores, 11 nov 2020
O Concello de Vigo seguirá a apoiando á hostalaría eximindo ao sector de pagar o recibos da auga, do lixo e do vao comercial durante o tempo que permanezan pechados por requirimento autonómico. Deste xeito, as achegas municipais ao sector superarán esta ano os 5 millóns de euros.
xoves, 5 nov 2020
O goberno local dedicará case 37 millóns á seguridade de Vigo no próximo ano, tal e como detallou esta mañá en rolda de prensa. Desta partida, destacou entre outros conceptos, 18 millóns para a Policía Local e más de 4 para o mantemento da rede semafórica.
venres, 16 out 2020
O alcalde desvelou este venres algunhas das medidas coas que Vigo prevé celebrar un Nadal con seguridade “mil por cen”: peonalización de boa parte do centro, rúas con aforo controlado por cámaras e unha Cabalgata “distinta”, coa comitiva estática e o público pasando ordenadamente e con distancias.
mércores, 7 out 2020
O alcalde visitou esta mañá o comercio solidario que vén de inaugurar na rúa Progreso Maite Isla, presidenta da asociación Solidariedade Galega co Pobo Saharaui e no que se venden máscaras e uniformes sanitarios homologados. Esta iniciativa permite dar traballo a 30 costureiras e unha parte de cada venda vai para a ONG que lidera a empresaria. Maite Isla recolleu o pasado sábado o premio Viguesa Distinguida por la labor da asociación durante máis de 25 anos, un cuarto de século no que máis de 7.000 familias galegas abriron a súas portas a máis de 9.000 menores no do programa Vacacións en paz.
