O alcalde informou do comezo dos traballos de instalación da Bóla de Nadal en Urzáiz e da Caixa de regalo da Gran Vía, que finalizarán esta semana. “Imos ter o mellor Nadal que houbo nunca”, avanzou.
Abel Caballero achegouse esta mañá ao Pazo Los Escudos para participar na inauguración do XXXI Congreso de Serca que reuniu a máis de 300 profesionais do sector da automoción. O alcalde felicitou aos promotores dunha cita anual que este ano elixiu Vigo para concitar clientes, fabricantes e prensa especializada de toda España.
Os datos do instituto Nacional de Estadística confirman a Vigo como unha potencia turística, logo de alcanzar unha ocupación hoteleira do 81% no mes de setembro. En número de visitantes, a cifra é practicamente igual que no mesmo mes de 2019, un ano de récord histórico para a cidade desde o punto de vista do turismo.
O alcalde de Vigo anunciou esta mañá que o alumeado de Nadal lucirá en Vigo desde o 19 de novembro. En rolda de prensa explicou que a decoración deste ano terá máis beleza e atraccións que nunca, ademais dun aforro enerxético superior ao 14%.
O auditorio Mar de VIGO reunirá o próximo 27 de setembro a ducias de expertos en turismo, con motivo da V Xornada TurisTIC, promovida pola Deputación de Pontevedra, e na que se que se falará “do futuro do turismo". Na presentación, Carmela Silva subliñou que “a cidade e o destino Rías Baixas son o puntal turístico de Galicia” e Abel Caballero resaltou que “a vocación turística de Vigo é ilimitada”.
Abel Caballero asistiu este mércores á presentación dunha nova edición do programa que organiza a asociación de comerciantes e que se desenvolve desde este venres 26 de agosto e ata o 10 de setembro. O rexedor eloxiou os pinchos que conforman a oferta da Ruta deste ano e animou á cidadanía a achegarse ata Teis para gozar das trece propostas culinarias. Na presentación da Ruta dos Pinchos de 2022 participaron María Jesús Román, presidenta de Zona Teis Centro Comercial; a presidenta do Mercado de Teis, Purificación Santos, e o presidente da Federación Vigo Comercio, Roberto Giráldez.
“Tivemos o mellor mes de xullo do aeroporto na historia” sinalou o rexedor en rolda de prensa este martes ao dar conta dos datos relativos ao funcionamento da terminal o pasado mes.
Unha representación ampla de Mulliez, propietarios do grupo Nhood, responsables do desenvolvemento do centro comercial Vialia, visitou este martes o edificio para coñecer o seu funcionamento e implantación. O alcalde convidounos a gozar da cidade e agradeceulles a aposta por este proxecto ante o que “Vigo está respondendo”. A delegación estaba encabezada por Barthélémy Guislain, presidente da Asociación Familiar Mulliez, xunto a Antoine Grolin, presidente do Consello de Administración de Nhood; Manuel Teba, director xeral de Nhood España, Teresa Verdugo, directora de operacións de Nhood España así como Ignacio Sanz, director de estacións de viaxeiros de Adif.
“Gijonomía” é o lema da campaña turística co que esta cidade asturiana estará esta fin de semana en Vigo cun autobús situado na Farola de Urźaiz. Durante unha visita realizada esta mañá, o alcalde animou a toda a cidadanía viguesa a visitar unha cidade “amigable, bonita e cun pasado industrial semellante ao de Vigo”.
O alcalde avanzou hoxe a solicitude de 10,9 millóns de euros de fondos europeos para financiar un proxecto “ambiciosísimo” de transformación para seguir atraendo turistas a Vigo, “a cidade líder en turismo en Europa”. Concretamente, o Concello proporá a creación dun Centro multifuncional de turismo gastronómico e de recepción de visitantes na Praza da Igrexa, a construción dun miradoiro e dun ascensor panorámico no edificio do Concello e, por último, a instalación dunha rampla mecánica no Paseo de Granada.