xoves, 3 set 2009
A xunta de voceiros do Concello de Vigo acordou hoxe levar ao pleno do vindeiro luns unha declaración institucional a prol da cooperación internacional para a súa aprobación. Con motivo do Día Internacional do Cooperante, que se celebrará o martes 8 de setembro, o documento asinado polos portavoces dos tres grupos políticos con representación municipal recoñecen que a loita contra a pobreza e a desigualdade é un dos retos da nosa sociedade e convidan á cidadanía a participar nos actos que terán lugar na cidade.
luns, 27 xul 2009
O Pleno da Corporación aprobou, coa oposición do PP, unha modificación orzamentaria de 20 millóns de euros para "implementar políticas activas que palien a crise e para xerar fórmulas con efectos positivos no emprego". As actuacións proxectadas abranguen todas as parroquias de Vigo, todas as áreas de goberno, e cumpren coa legalidade e a estabilidade orzamentaria da Concello, segundo afirmou o goberno local.
luns, 27 xul 2009
O grupo municipal do BNG presentou na sesión plenaria deste luns unha moción instando á Xunta a garantir a gratuidade dos libros de texto no vindeiro curso académico, acordo adoptado co apoio do grupo socialista e a oposición do Partido Popular. A concelleira de Benestar, María Méndez, asegurou que 20.000 escolares vigueses deixarán de recibir as axudas.
luns, 29 xuñ 2009
O pleno da Corporación municipal celebrado hoxe tivo coñecemento do informe anual da Comisión especial de Suxestións e reclamacións sobre o funcionamento da Administración Municipal e do Informe do Valador do Cidadán correspondente ó ano 2008. A comisión recibíu un total de 7.601 reclamacións e o Valedor realizou 622 actuacións.
martes, 16 xuñ 2009
A Corporación Municipal celebrou hoxe un pleno extraordinario no que se aprobou unha declaración institucional sobre a negociación do convenio do sector do metal. Na declaración, aprobada cos votos do PSdG-PSOE e BNG, faise unha chamada ás partes implicadas á negociación e ao diálogo, como única vía posible para solventar as demandas plantexadas. Tamén se exise da Xunta de Galicia que exerza as súas competencias cunha mediación activa e constante, salvando os obstáculos e facilitando propostas razoables para ambas partes que poñan fin ao conflicto laboral.
luns, 25 mai 2009
O pleno aprobou hoxe unha moción urxente demandando á Xunta a manter "un compromiso de mediación activa" e non "puramente formal" entre as partes no conflito do metal. A moción presentada conxuntamente polos grupos municipais do BNG e o PSOE, insta aos responsabeis autonómicos a "remover os obstáculos e facilitar as propostas que poidan dar cabida aos intereses razoables das dúas partes".
luns, 27 abr 2009
O goberno local asegura que, con esta proposta e a falta da validación dos técnicos do Ministerio de Cultura, solventan á vez a localización da Biblioteca estatal nun lugar céntrico e melloran as condicións da Escola nun lugar tamén do centro da cidade. O grupo municipal do Partido Popular opúxose pois considera que o Concello perde parte do seu patrimonio. <br />
