luns, 26 xul 2010
O Pleno da Corporación Municipal celebrado este luns aprobou por unanimidade que o goberno municipal estude as posibilidade de mellora da centralita da Policía Local, para asegurar a maior axilidade na prestación de servizos e singularmente na atención das emerxencias. O Pleno tamén acordou, a instancias do PP, a constitución da Comisión de Xustiza e a realización de melloras nos parques de A Guía e A Riouxa.
luns, 28 xuñ 2010
Os votos favorables do PSOE e BNG, coa oposición do PP, respaldaron a enmenda presentada conxuntamente no Pleno da Corporación celebrado este luns, acordo que solicita refornas no IRPF estatal e autonómico, unha taxa para as grandes fortunas e sobre o patrimonio e unha novo sistema de financiamento local.
luns, 28 xuñ 2010
O Pleno da Corporación Municipal celebrado este luns acordou, a iniciativa do grupo socialista, instar á Xunta de Galicia a ter en conta o número de persoas desempregadas rexistradas en cada concello -cunha valoración mínima do 90%- para o reparto dos fondos para programas de cooperación.
luns, 28 xuñ 2010
Os tres grupos políticos con representación municipal votaron unánimemente para condear o ataque israelí en augas internacionais á frota da axuda humanitaria que se dirixía a Gaza, cun resultado de numerosas vítimas mortais e feridos, ao tempo que Vigo expresa as súas condolencias ás familias e unha pronta recuperación dos feridos.
luns, 28 xuñ 2010
O concelleiro de Distritos e presidente da "Comisión de Queixas e Suxestións" presentou este luns ante o Pleno da Corporación o balance da actividade da devandita mesa no ano 2009, no que producíuse un incremento do 20% sobre 2008 na presentación de queixas, suxestións e parabéns. O socialista achacou este ascenso na participación á "actitude de transparencia e eficacia do goberno municipal", que reduxo á metade o tempo de resposta.
martes, 22 xuñ 2010
A Corporación, cos votos favorables de PSdeG e BNG e a oposición do PP, validou este martes modificar o Plan Económico Financeiro municipal para incluir as medidas legais aprobadas polo Estado no Real Decreto: a reducción media do 5% nos salarios dos funcionarios, a dos cargos electos -que en Vigo será dun 15%- e a imposibilidade de endebedarse no ano 2011. A aplicación do Decreto suporá un aforro ás arcas municipais de 1,8 millóns de euros.
mércores, 9 xuñ 2010
Convocado en sesión extraordinaria, os tres grupos municipais do Pleno (PP, PSOE e BNG) acordaron unánimemente rebaixar as súas retribucións nun 15%, seguindo a proposta do alcalde; pola contra, a Corporación aprobou a aplicación do decreto estatal contra o déficit no Concello -que contempla a reducción progresiva do 5% de media aos empregados públicos- coa abstención de populares e nacionalistas e o voto favorable dos socialistas.
luns, 31 mai 2010
Os grupos políticos do BNG e do PSdeG presentaron e aprobaron inicialmente este luns un novo regulamento orgánico de funcionamento do Pleno da Corporación de Vigo, que substituirá ao actual, que data de 1988. O novo texto, de 101 artigos, "axústase á lei" e nace como foro de debate político e órgano de fiscalización do goberno. O PP opúxose principalmente por discrepanzas co idioma e co número de mocións estipuladas para cada sesión.
luns, 31 mai 2010
Os tres grupos -PP, PSdeG e BNG- acordaron este luns instar ao goberno municipal a estudar medidas de atención ás mulleres prostituídas, para o que contará coa Mesa da Violencia recentemente constituída e co informe sobre o estado do Plan Integral de Liota contra a trata de seres humanos con fines de explotación sexual. Ademais, instase ao Concello a elimina a publicidade de clubs de alterne de espazos municipais.
