luns, 25 out 2010
O concelleiro de Urbanismo, José Mariño, lembrou a simboloxía do edificio industrial e fixo referencia á necesidade de que sexa conservado e preservado coma un espazo público de uso dotacional. Mariño destacou que a estas alturas "todos defenden" e coinciden en que se trata dun ben de interese cidadán. A proposta foi aprobada cos votos favorables do PSOE e o BNG e a abstención do PP.
luns, 25 out 2010
PSOE e BNG tamén votaron a favor de que o Concello inste a Xunta e asegure o financiamento para manter o servizo de transporte nocturno a lugares de lecer coñecido como o "Noitebús". Pola contra socialistas e nacionalistas votaron en contra da moción do PP na que solicitaba que os aparcadoiros de Praza de Portugal e Porta do Sol pasen a seren estacionamento para residentes
luns, 25 out 2010
O Pleno da corporación municipal aprobou este luns apoiar o ingreso da escritora María Xosé Queizán na Real Academia Galega, a proposta do Consello Municipal da Muller de Vigo. Segundo destacou a concelleira de Igualdade, Iolanda Veloso, o Consello valorou o activismo feminista de María Xosé Queizán tanto na súa actividade social como literaria, así como a necesidade de que a RAG acade unha maior representación de mulleres, xa que só conta na actualidade con catro mulleres.
luns, 25 out 2010
A corporación municipal de Vigo votou por unanimidade, a proposta do BNG, instar á Xunta de Galiza e ao Ministerio de Industria que adopten as medidas necesarias para garantir a continuidade do estaleiro Vulcano. Aínda que había outra moción do Partido Popular, na que só pedía a implicación do Ministeiro de Industria, na súa intervención, o tenente de alcalde Santi Domínguez destacou a importancia de votar conxuntamente a moción "por riba dos partidos políticos".
luns, 27 set 2010
O Pleno da Corporación aprobou hoxe luns, a proposta do BNG, unha moción instando ao Ministerio de Fomento a que asuma o compromiso de recolocar a todo os traballadores que nos últimos meses foron despedidos das obras do túnel do AVE As Maceiras-Vigo. Igualmente se demanda do Goberno do Estado que obrigue ás empresas adxudicatarias á cumprir a normativa laboral e as medidas de seguridade nas obras tendo en conta a representación sindical dos traballadores.
luns, 27 set 2010
A moción presentada polo PP foi respaldada polo goberno local e reclama ao Concello "por en marcha no menor tempo posible os puntos limpos que necesita a nosa cidade". Por outra banda, a oposición tamén recabou a unanimidade plenaria para "rematar, presentar e executar o Plan Especial de Protección da fortaleza de Santa María e o Plan Director do Monte do Castro".
luns, 6 set 2010
A moción, presentada polo PP, foi respaldada polo goberno local polo "fundamental" da infraestrutura para a ETEA, Teis e toda a cidade de Vigo e porque a Xerencia de Urbanismo desta semana dará luz verde á adxudicación da redacción deste proxecto, estimada en 10 meses. A Xunta de Galicia asumirá o custo do mesmo, por valor de 1,1 millóns de euros.
luns, 6 set 2010
Socialistas, nacionalistas e populares votaron conxuntamente para que os orzamentos municipais do vindeiro ano non inclúan partida económica alguna destinada ao "plan Moneo", o proxecto do prestixioso arquitecto para a reordenación do entorno da Praza do Rei, que inclúe o derrubo da casa consistorial. O edil de Patrimonio e Xestión Municipal, Carlos Font, reiterou que "o proxecto Moneo non vaille custar un euro aos vigueses".
luns, 6 set 2010
O pleno da corporación municipal aprobou hoxe por unanimidade a ordenanza reguladora das axudas á rehabilitación de vivendas defendida polo concelleiro de Patrimonio Histórico, Eudosio Álvarez. O edil nacionalista destacou na súa intervención a importancia que teñen os plans de rehabilitación de vivendas e a instalación de novos servizos para frear o despoboamento do Casco Vello e do barrio histórico de Bouzas.