ADEAC designou onte mércores as bandeiras azuis, e Vigo suma unha con respecto ao 2009
xoves, 3 xuñ 2010
O areal de Figueiras, nas Illas Cíes, consegue para Vigo a oitava bandeira azul, premiando así a calidade e seguridade das praias viguesas, e convertendo a Vigo non gran concello de España con maior número destas distincións. Medioambiente amplía tamén este ano a presenza de socorristas a un total de once areais, dous máis que o pasado ano 2009. A mellora no salvamento e a oitava bandeira azul "refrendan a aposta que estamos a facer a prol dun servizo de praias de calidade", di a concelleira Chus Lago.
martes, 1 xuñ 2010
A concelleira de Medioambiente, Chus Lago, felicitou aos profesionais de Vigozoo por este nacemento. Trátase do primeiro nacemento con éxito dun voitre leonado dentro do Programa Europeo de Cría en Captividade de Especies Ameazadas.
martes, 25 mai 2010
A concelleira socialista acompañou hoxe martes a máis de 300 escolares no pase dunha cinta que ten o seu punto forte nun efecto hiperrealista de inmersión que permite a pequenos e maiores comprobar a diversidade do ecosistema mariño pero tamén a súa fraxilidade a través da viaxe dunha tartaruga mariña. A actividade enmárcase na celebración do Ano da Biodiversidade.
venres, 7 mai 2010
A concelleira socialista, Chus Lago, informou este venres da apertura da campaña de control da colonia de gaivotas deste ano, que retira ovos tanto a petición cidadá no 010 como de oficio, en zonas de nova expansión. O obxectivo municipal é rebaixar as molestias producidas á xente e, a longo prazo, rebaixar á metade o número de gaivotas. A edil solicitou a colaboración cidadá.
martes, 4 mai 2010
Por mor do Ano Internacional da Biodiversidade, a Concellería de Medioambiente programou actividades ambientais de balde entre os días 14 e 17 deste mes, onde convivirán 50 nenos dos Ancares e 150 de Vigo de entre 9 e 12 anos en VigoZoo e nunha acampada nas Illas Cíes. 25 monitores traballarán cos nenos no programa, que pecha a súa inscripción esta semana. A actividade completarase en setembro, cunha visita dos rapaces de Vigo aos Ancares.
martes, 4 mai 2010
A responsable do departamento municipal, Chus Lago, explicou este martes as melloras "moi demandadas pola cidadanía" realizadas ao longo do paseo, como a canalización das augas pluviais para evitar o encharcamento, desbroce e limpeza; e anunciou novas medidas, como a instalación dunha nova ponte nas proximidades da depuradora e de cinco novas fontes máis. O Concello inviste nestas actuacións 165.000 euros.
martes, 6 abr 2010
A concelleira de Medioambiente, Chus Lago, asegurou este martes que o informe favorable da Xunta de Galicia ratifica que VigoZoo "cumpre a lei" e as normativas de seguridade actuais. A validez do recinto responde ás "grandes obras" realizadas nos últimos dous anos, cun investimento próximo ao millón de euros. Unha vez confirmada a súa legalidade, Lago adiantou que Vigo integrarase na Asociación Ibérica de Zoolóxicos.
Medioambiente está a investir 163.000 euros nos traballos de limpeza e recuperación da zona e na reposición dunha das pontes
xoves, 18 mar 2010
A concelleira de Medioambiente, Chus Lago, visitou hoxe as obras de mellora do cauce do río Lagares, á altura de Ricardo Mella, onde se están a levar a cabo importantes actuacións de limpeza e recuperación. Varios operarios traballaban esta mañá nas labores de retirada das dúas pontes deterioradas ubicadas nas inmediacións da Estación Depuradora.
martes, 9 mar 2010
A patrulla de Medio Ambiente e Intervención Rural da Policía Local de Vigo (UMIR) conta desde hoxe con catro novas motocicletas que se engaden o parque móvil de dito corpo no eido da vixilancia da natureza e cumprimento das normas de respeto ao medio ambiente no municipio.
xoves, 25 feb 2010
A Concellería de Medio Ambiente, Sanidade e Consumo porá en marcha a partir do mes de marzo un renovado programa ambiental "Camiño a Camiño...e máis" que neste ano ofrece novidades como as denominadas o Camiño de Santiago, as rutas nocturnas e a convocatoria Vigodiversidade. A edil de Medioambiente, Chus Lago, destacou hoxe na presentación do programa que representa unha iniciativa multidisciplinar aberta a todas a idades para facer rutas de sendeirismo polos entornos máis significativos do municipio de Vigo e do Parque Nacional Marítimo Terrestre das Illas Atlánticas, así como participación en observación de estrelas.
