venres, 25 set 2020
O goberno local aprobou definitivamente o Proxecto de expropiación por taxación conxunta para execución da senda fluvial no río Lagares (tramo entre Manuel Álvarez e a Avenida de Madrid). Cun orzamento de 430.000 euros, o Concello expropiará 96 parcelas de zonas colindantes co río co obxectivo de dar continuidade ás sendas que na actualidade acompañan o curso do Lagares e que se rehabilitarán no seu conxunto nesta lexislatura.
venres, 18 set 2020
No Día Mundial das Praias, que se conmemora este venres, Abel Caballero visitou ao grupo de voluntariado medioambiental que traballou na retirada de máis dunha tonelada de plantas invasoras na contorna da duna de Samil.
xoves, 17 set 2020
O alcalde avanzou que mañá venres, 18 de setembro, o goberno municipal realizará unha visita respectuosa á duna de Samil e persoas do programa de voluntariado medioambiental traballarán na eliminación de plantas invasoras nos areais.
xoves, 10 set 2020
O alcalde, Abel Caballero, e o director da empresa, Joaquín González, rubricaron este xoves o convenio polo que Vegalsa Eroski achega 18.000 euros para a nova edición do programa medioambiental “Vigo, camiño a camiño”, que oferta este outono oito rutas circulares.
mércores, 9 set 2020
A nova Ordenanza Municipal Reguladora do Uso e Desfrute dos Areais do termo municipal de Vigo foi aprobada este mércores no Pleno ordinario cos votos favorables do grupo socialista e a abstención de PP, grupo mixto e concelleiro non adscrito. La concelleira de Medio Ambiente destacou que as medidas tomadas polo goberno local nas praias “son un exemplo para outros concellos”.
venres, 28 ago 2020
A Xunta de Goberno Local do Concello de Vigo aprobou este xoves unha nova edición do programa “Camiño a Camiño” para o vindeiro outono. Nesta ocasión serán oito rutas circulares, catro en setembro e catro en outubro, que inclúen actuacións musicais.
xoves, 13 ago 2020
O rexedor informou en rolda de prensa da instalación de 10 sinais de circulación para establecer a “prioridade absoluta dos peóns” na marxe dereita do paseo do Lagares. Os ciclistas, a un máximo de dez quilómetros por hora.
xoves, 6 ago 2020
O alcalde informou do incremento “moi importante” este ano do número de solicitudes deste servizo que o goberno municipal pon a disposición das persoas interesadas nos dous areais. Amais, deu conta da dispoñibilidade de pulseiras identificadoras para as nenas e nenos nas praias.
martes, 28 xul 2020
Abel Caballero explicou este martes que, unha vez ratificada no Pleno, a normativa facultará ao goberno vigués a determinar que areais serán espazos libres de fume. O alcalde engadiu que proporá ao Goberno de España a elaboración dunha lei que permita sancionar aos infractores.
venres, 24 xul 2020
O número de agosto da publicación leva na súa portada unha imaxe da praia de Nosa Señora das Illas Cíes, baixo o titular “Galicia, unha viaxe pola súa costa máis espectacular”. Abel Caballero amosou o seu orgullo e apuntou que isto supón que a revista “volve facerlle un recoñecemento ás Illas CÍes e a Vigo”, e por iso “as queremos Patrimonio da Humanidade porque The Guardian ou National Geographic, ámbitos especializados e de alto valor científico saben do valor das Illas Cíes”.