luns, 27 mar 2017
Os actos de celebración comezan este luns coa entrega dos Premios Vigueses Distinguidos e prolónganse ata a fin de semana, cando se desenvolverán as principais actividades festivas. O alcalde convida a toda a cidade a celebrar a data.
luns, 27 feb 2017
O Concello organiza estes días actividades no Auditorio Municipal e no propio consistorio, amais de animación de rúa para os máis pequenos da casa. Mañá martes quéimase o meco na Porta do Sol e haberá verbena coa Orquestra Olympus.
venres, 24 feb 2017
O alcalde ensalzou a calidade de La Edad de Oro del Pop Español e Sidonie, os dous grupos que abrirán o Entroido vigués con sendos concertos na Porta do Sol, ás 21h e ás 23h respectivamente. Este sábado, o desfile de comparsas e carrozas partirá do nó de Isaac Peral ás seis da tarde.
mércores, 15 feb 2017
O alcalde avanzou este mércores os espectáculos cos que dará comezo o Entroido deste ano, un dobre concerto gratuíto o próximo venres, 24 de febreiro, na Porta do Sol con "La Edad de Oro del Pop Español" ás 21h e, ás 23 horas, a actuación do grupo barcelonés Sidonie.
xoves, 5 xan 2017
As Súas Maxestades de Oriente visitaron hoxe o Auditorio Municipal onde saudaron a todas as nenas e nenos, que aproveitaron para lembrarlles as súas peticións. Alí recibiunos o alcalde que dixo terlles contando os nenos de Vigo se portaron moi ben este ano polo que "deben traerlles moitos regalos e xoguetes" e desexoulle á cidadanía que goce da "cabalgata excepcional", que parte ás 18:00 horas do nó de Isaac Peral. Ao remate, Caballero entregaralle a Melchor, Gaspar e Baltasar as chaves da cidade para que poidan entrar nas casas esta noite a deixar os agasallos.
mércores, 4 xan 2017
O alcalde apunta que co festival Vigo quere "manter a tradición" das rondallas, que poñen en valor o folclore tradicional. Organizado e financiado polo Concello coa cooperación da Deputación, comeza este domingo ás 17:00 horas, coa presenza de conxuntos de Vigo, Mos, Porriño, Nigrán e Gondomar.
martes, 3 xan 2017
A Cabalgata de Reis deste xoves contará con 14 carrozas, 8 vehículos, 9 elementos e grupos de animación e comitiva de cabalos e xinetes, baixo a temática "O Mundo Xurásico". Caballero, nunha visita este martes á montaxe das carrozas, revelou que case 500 persoas velarán pola seguridade.
venres, 30 dec 2016
O desfile pola cidade das Súas Maxestades de Oriente cambiará este ano o seu itinerario habitual co fin de evitar as obras que se están realizando na rúa García Barbón. Comeza ás 18:00 da tarde con recepción final na Porta do Sol e reparto de caramelos sen glute e sen azucre.
luns, 26 dec 2016
O alcalde deu a coñecer algunhas das propostas que acolle o Auditorio Mar de Vigo, dende este luns e ata o xoves 5 de xaneiro, para nenos e nenas dende os 0 ata os 12 anos centradas arredor do xurásico e con entrada gratuíta.
venres, 23 dec 2016
O alcalde participou na presentación este venres da décimo cuarta edición de Vigolandia, "un evento tan coñecido na cidade que case non necesita presentación", apuntou, que se celebra do 26 ao 30 de decembro no IFEVI. A iniciativa familiar ten carácter benéfico, cun punto de recollida de alimentos e xoguetes.