Abel Caballero avanzou este xoves que as Maxestades de Oriente teñen este ano moito parecido con Antonio García Teijeiro, Raúl Fontán e Ibrahima Nihan Sow, mentres que a Carteira Real con Ledicia Costas. O dispositivo de seguridade, no que participarán 90 policías e 350 voluntarios, comezará ás 09:00 horas.
O alcalde anunciou que a Cabalgata dos Reis Magos, que se celebrará o vindeiro 5 de xaneiro, chegará esta vez ata a rúa Pi e Margall, gañando uns 250 metros de percorrido para "poder acoller a moita máis xente en previsión dun novo récord de asistencia".
O alcalde convida a toda a cidade a presenciar mañá venres o recital de Nadal que ofrecen o organista Joao Santos e o contratenor Paulo Ferreira na Concatedral de Santa María onde xa actuaron o ano pasado con gran éxito. Abel Caballero avanzou que o concerto é "fantástico" e que "o órgano soa marabillosamente ben logo da rehabilitación financiada polo goberno municipal" que se estreou o ano pasado. A cita celébrase mañá ás 20:30 horas con entrada de balde ata completar o aforo.
Abel Caballero detallou este luns o programa de actividades que abordará "O Mundo das civilizacións" e que está pensado para nenas e nenos de diferentes idades co obxectivo de facilitar a conciliación das familias durante o Nadal.
Desde o 27 de decembro ata o 4 de xaneiro o Concello de Vigo instalará unha Carpa Infantil de Nadal en Navia (rúa Teixugueiras, 18-20) na que ofrecerá todo tipo de obradoiros e actividades para os máis cativos.
O concelleiro de Festas, Ángel Rivas, presentou as actividades da décimo sexta edición da festa do Nadal que se celebrará entre o 26 e o 30 de decembro con actividades de lecer e aprendizaxe para os máis pequenos da casa.
Abel Caballero ofreceu este luns datos sobre a afluencia ao centro da cidade durante a Ponte da Constitución. O alcalde sinalou que na contorna da árbore da Porta do Sol contabilizouse unha media de 250.000 persoas por día e que durante os tres días calcúlase que houbo en Vigo uns 700.000 visitantes.
Casa de Papá Noel, pista de xeo e pista de karts incorpóranse esta fin de semana ao Nadal de Vigo coa súa apertura ao público. O alcalde avanzou tamén que en tan só cinco días o Nadal Bus xa acumula case 2.000 reservas para facer os percorridos polo alumeado da cidade.
O alcalde de Vigo, Abel Caballero, fixo este luns balance do acto de acendido das luces do Nadal, celebrado o pasado sábado, e destacou que un total de 170.000 persoas seguiron en directo o evento, mentres que outras 100.000 o fixeron a través dos medios de comunicación. A ocupación hoteleira foi do 100%.
O Concello posporá ata o próximo mércores 27 de novembro a inauguración da noria e do mercadiño de Nadal, instalados na Alameda. O mal tempo impide abrir ao público estas instalacións mañá domingo, tal e como estaba previsto nun principio.