venres, 27 nov 2020
O alcalde anunciou este venres que o vindeiro xoves 3 de decembro, ás 20:00 horas, procederase ao acendido do alumeado de Nadal de forma presencial na árbore de Policarpo Sanz e sen apertura ao público. Caballero tamén explicou que o Concello tomará medidas especiais para facilitar a mobilidade peonil e cumprir a normas de seguridade covid.
xoves, 26 nov 2020
A Xunta de Goberno local deu luz verde esta mañá á contratación da loxística que permitirá que a Cabalgata de Reis -que será estática nesta ocasión – resulte 1.000 por 100 segura Covid. Tal e como dixo o rexedor, a proposta de Vigo xa é un referente de deseño en toda España.
martes, 17 nov 2020
Abel Caballero avanzou esta mañá novas medidas para que Vigo poida gozar dun Nadal con “seguridade Covid 1.000 por 100”. Nesta ocasión, deu conta da licitación da contratación dun sistema de cámaras que permitirá controlar o aforo das rúas, dispositivo que o Concello complementa coa contratación de 23 persoas, contando sempre co apoio da Policía Local.
venres, 13 nov 2020
Por 41.000 euros, a contratación da supervisión e apoio fronte ao coronavirus pasou pola Xunta de Goberno Local. Os traballadores atenderán á cidadanía na rúa, supervisarán as medidas sanitarias e controlarán os accesos ás zonas delimitadas. O alcalde quere que o acendido da iluminación coincida coa apertura da hostalería.
martes, 10 nov 2020
O alcalde de Vigo achegouse esta mañá á muralla do Castro, unha vez rematadas as obras de rehabilitación que se viñeron facendo nos últimos meses en colaboración co Ministerio de Transportes, que aportou o 75% do investimento. Ás 19,30h deste martes ten lugar a inauguración de toda a nova iluminación do conxunto da fortaleza.
xoves, 5 nov 2020
O goberno local dedicará case 37 millóns á seguridade de Vigo no próximo ano, tal e como detallou esta mañá en rolda de prensa. Desta partida, destacou entre outros conceptos, 18 millóns para a Policía Local e más de 4 para o mantemento da rede semafórica.
luns, 26 out 2020
O alcalde avanzou este luns que non sacará a concurso a noria e o mercado de Nadal da Alameda despois de que quedara deserta a licitación. Abel Caballero insistiu en que o Concello xa manexa varios escenarios para celebras as festas, todas elas “con seguridade cen por mil”, e insistiu na prudencia.
venres, 16 out 2020
O alcalde desvelou este venres algunhas das medidas coas que Vigo prevé celebrar un Nadal con seguridade “mil por cen”: peonalización de boa parte do centro, rúas con aforo controlado por cámaras e unha Cabalgata “distinta”, coa comitiva estática e o público pasando ordenadamente e con distancias.
mércores, 7 out 2020
Abel Caballero achegouse este mércores a presenciar os traballos de montaxe da grande caixa de agasallo no cruce da Gran Vía con Urzáiz e apuntou que i protocolo de prevención da Covid-19 formará “parte intrínseca” de todo o que se instale.
luns, 5 out 2020
Máis de 14.000 espectadores e 50 artistas pasaron este verano polo Festival Terraceo celebrado no Auditorio Mar de Vigo. O alcalde fixo balance este luns da cita cultural coa música que tamén levou ata o seu escenario a 15 artistas locais.