xoves, 29 xul 2004
Aphrodite co seu estilo "emo pop" e Los <br />
Casanovas, rock&roll , amenizarán o xoves, dende as 23.00 horas, aos vigueses que se acheguen ata a praza do Rei. A entrada será de balde.
xoves, 29 xul 2004
A XIV Mostra do Traxe Tradicional Galego fará da praza do Berbés, un mirador de excepción dende onde se poderá contemplar o sabor do folclore máis autóctono a partir das 22.30 horas. Un espectáculo visual que estará acompañado pola música dos grupos "Taravelo" e o conxunto de folk "Ardentía".
mércores, 28 xul 2004
Dous carreiras diferentes contaxiadas pola paixón dos ritmos da terra cubana voltarán a misturarse nun escenario, despois de máis de 30 anos, para amosar ao público un recital único. Bebo e Chucho Valdés, pai e fillo, farán de Castrelos, o mércores ás 23.00 horas, un lugar de encontros. Un concerto no que estarán arropados pola All Stars Latin Jazz Big Band.
mércores, 28 xul 2004
Unha mestura de pop psicodélico e hard rock chegará á praza do Rei da man dos vigueses Glassonion e The Meis Makers. As actuacións, incluídas no festival Xovevigo, terán lugar o mércores na praza do Rei ás 23.00 horas e a entrada será gratuíta.
mércores, 28 xul 2004
O vindeiro sábado Alberto Durán dará lectura ao pregón do Cristo ás 13.00 horas no pazo-museo Quiñones de León, mentras que a procesión terá lugar o domingo, 1 de agosto, ás 19.30 horas. Este ano, a encargada de portar o pendón do Cristo será a concelleira Lucía Molares.
martes, 27 xul 2004
O concerto terá lugar o martes no auditorio de Castrelos ás 23.00 horas. Os teloneros "Media Naranja", serán os encargados de dar paso á música de raíces cubanas, que correrá a cargo do artista convidado, Israel Cachao. A entrada será de balde.
martes, 27 xul 2004
Os vigueses "Sonámbulos" e "Travel Hats" actuarán o martes ás 23.00 horas, dentro do ciclo adicado a promoción dos conxuntos locais. A entrada será de balde.
martes, 27 xul 2004
Bisbal abarrotará, con toda probabilidade, o auditorio de Castrelos o vindeiro 7 de agosto nun concerto único na súa xira.
luns, 26 xul 2004
A exposición da oitava edición do Concurso de Carteis que se celebra cada ano con motivo das Festas do Cristo, terá lugar mañán na aula didáctica do Museo de Castrelos, onde se poderá visitar ata o 15 de agosto.
luns, 26 xul 2004
O auditorio de Castrelos será o protagonista do concerto do conxunto "Mago de Oz" que terá lugar o luns 26 de xullo ás 23.00 horas. O prezo da entrada será de 6 euros, sen asento.