A Praza do Rei acollerá este mércores a Campaña "Pon a Túa Peza, Todas Contan", na que 400 alumnos de Vigo e alrededores elaborarán un puzzle xigante por mor da Semana de Acción Mundial pola Educación. O obxectivo é a mellora da educación e que ningún neno careza da mesma no ano 2015. O alcalde de Vigo, Abel Caballero, colocará a última peza como símbolo do compromiso do Concello.
Por primeira vez na eurorexion Galiza- Norte de Portugal, celébrase unha mostra musical na que se valora a calidade interpretativa dos novos músicos e se pon de manifesto o traballo educativo dos centros musicais. A mostra terá lugar o próximo día 19 de abril en Vilagarcia e na que participará a Orquestra da Escola Municipal de Música de Vigo.
O alcalde de Vigo, Abel Caballero, mantivo na mañá deste martes un encontro con membros do Comité Organizador da Semana de Acción Mundial pola Educación, reunión na que se estudou incrementar nos próximos anos a partida orzamentaria viguesa destinada á Cooperación ao Desenvolvemento. O obxectivo do organismo é que os Concellos dirixan o 0,7% dos seus orzamentos a esta causa.
O sábado 12 de abril, a Escola Municipal de Música de Vigo presenta o programa didáctico "Cociña Variada" coa interpretación de "Variacións sobre un tema de Haendel "de J. Brhams. A audición terá lugar no auditorio do Verbum ás 19 horas con entrada gratuita ata completar aforo.
O acto, que desde a súa primeira edición en 1991 celebrouse sempre en Santiago, contou coa presenza do alcalde de Vigo, Abel Caballero, o Presidente da Xunta de Galicia, Emilio Pérez Touriño, e a conselleira de Educación, Laura Sánchez Piñón. 37 mulleres e 20 homes foron galardoados este venres por obter os mellores expedientes académicos do 2007 nas tres Universidades de Galicia.
O Forum Orienta 2008, que se celebrará no Instituto Ferial de Vigo (IFEVI) do 8 ao 13 de abril, reserva un espazo destacado para as ensinanzas universitarias que ofertan as tres institucións galegas. Neste senso, este evento contará con diferentes stands especializados co obxectivo de ofrecer a información máis detallada sobre as posibilidades destes estudos así como das principais novidades que veñen da man da adaptación ao Espazo Europeo de Educación Superior.
O Auditorio Municipal acollerá os días 2,3 e 4 de abril, o espectáculo didáctico-musical "Nuestras Músicas", especialmente creado para escolares do 3º Ciclo de Educación Primaria, ESO e Bacharelato polo Grupo de Zaragoza "New Titanic Arkestra". O espectáculo forma parte da colaboración do Servizo de Educación do Concello de Vigo e a Obra Social e Cultural de Ibercaja.
A Xunta de Goberno ven de aprobar o gasto que da lugar ao convenio de colaboración entre o Concello de Vigo e a Federación Olívica de Asociacións de Nais e Pais de Alumnos, que supón un custe de 215.569,44 euros. Esta subvención está destinada, entre outros aspectos, á realización de actividades extraescolares e comedores das ANPA de ensino infantil e primario público.
A concelleira de Educación, Laura López Atrio, ven de presentar as unidades didácticas editadas polo seu departamento municipal " Construíndo unha cidade" e "Xacementos arqueolóxicos" co fin de reforzar o coñecemento de Vigo coa axuda de materias informativos e gráficos.
A Escola Municipal de Teatro programa para o mércores día 26 os actos conmemorativos do Día Mundial do Teatro co lectura dun manifesto do director canadense Robert Lepage e varias representacións dos alumnos da escola. Os actos terán lugar ás 19 horas no auditorio Monte da Mina de Castrelos.