mércores, 16 mar 2011
O alcalde, Abel Caballero, e a concelleira de Educación, Laura López Atrio, convocaron este mércores aos directores dos centros educativos de secundaria de Vigo para informarlles da nova convocatoria municipal aberta do Programa de Inmersión Lingüísitica en Inglés para 2011, que levará a 290 escolares de 3º de Secundaria a estudar en inglés ao Reino Unido.
martes, 15 mar 2011
Comeza unha nova tempada artística nos colexios de Vigo. Este luns 14 de marzo deuse o pistoletazo de saída á Mostra Itinerante 2011, que durante os próximos meses percorrerá 13 colexios da nosa cidade, mostrando a obra de 23 recoñecidos artistas vigueses co propósito de contribuir a desenvolver a creatividade no alumnado de educación primaria.
martes, 15 mar 2011
Abel Caballero mantivo hoxe martes un encontro con 17 nais con alumnos e alumnas con necesidades especiais, quenes solicitaron o apoio municipal porque a Xunta de Galicia está retirando o seu respaldo. Pese a ser competencia autonómica, o alcalde ofreceu á Xunta de Galicia e á Deputación de Pontevedra un convenio para sufragar entre as tres institucións públicas as necesidades educativas destes escolares da cidade.
luns, 7 mar 2011
Segundo informou o alcalde, a Xunta de Goberno Local aprobou este luns as bases para a adxudicación de prazas nas escolas infantís municipais, que no próximo curso inclúen tres novos centros para nenos e nenas de entre 0 e 3 anos. Coa incorporación de Tomás Alonso, Casiano Martínez e Mestres Goldar, as prazas pasarán das 328 actuais as 588 do 2011-2012. O prazo estará aberto do 14 deste mes ao 14 de abril.
xoves, 3 mar 2011
O convenio irá a Xunta Reitora da UNED a principios da vindeira semana aínda que está xa aprobado pola Comisión Delegada. Abel Caballero amosou neste xoves a súa satisfacción porque a cidade acade este "ambicioso proxecto" polo que Vigo será o Centro Internacional de Educación a Distancia de Iberoamerica e o "centro mundial da UNED en galego"
martes, 1 mar 2011
Abel Caballero informou da aprobación das bases da adxudicación da Xunta de Goberno Local celebrada a pasada semana, que sufragará a estancia case un mes no Reino Unido a 250 estudantes de centros públicos de 4º da ESO e a outros 40 de concertados. O alcalde estima que a oferta municipal poderá cubrir a demanda nos colexios públicos de Vigo. Os beneficiarios deberán ter unha nota mínima dun 6 en inglés.
venres, 4 feb 2011
A concelleira de Educación, Laura López Atrio, presentou este venres as novas guías de centros públicos privados e concertados no Concello de Vigo para o curso escolar 2011/2012, que inclúen a información, servizos, equipamento, instalacións e actividades extraescolares dos colexios. A edil volveu reclamar á Xunta de Galicia que se sume á actuación municipal para mellorar os centros educativos vigueses.
xoves, 3 feb 2011
Abel Caballero visitou este xoves o circuito de educación viaria do Centro de Educación Infantil e Primaria de Sárdoma-Moledo, onde recordou que o goberno local comprometérase ante o executivo autonómico a facer tres comedores e "cumprimos escrupulosamente", ao tempo que demandou á Xunta reformas en oito colexios da cidade. Nos catro últimos orzamentos, as partidas do Concello para reformas suman case 3 millóns de euros.
luns, 31 xan 2011
No marco do programa educativo municipal "VIGO ACTIVITIES 2010-2011" está previsto que nestos catro itinerarios: Castro, Casco Vello, Vigozoo e Zona Marítima, dinamizados por persoal nativo e especialmente pensadas para o seu uso didáctivo, participen preto de 1200 escolares de 2º e 3º ciclo de primaria de 32 centros de ensino da nosa cidade.
Esta primeira exposición colectiva poderá ser visitada ata o próximo 26 de marzo
xoves, 27 xan 2011
A nova sala de exposicións, Espazo EMAO, inaugúrase coa mostra colectiva "Proxecto Pintura" que poderá visitarse de martes a sábado. Será un espazo expositor continuo e dinámico, vinculado a todas as especialidades da EMAO. A institución recompón unha ponte sólida e duradeira coa cidadanía a través da apertura deste espazo.
