O alcalde informou da celebración dun Pleno a vindeira semana para a aprobación definitiva do uso dos remanentes municipais. A inversión deste aforro permitirá xeral "miles de empregos para reactivar a economía".
O Pleno Municipal do Concello de Vigo abordou este mércores a situación actual do cumprimento do Orzamento 2020 e o pago a provedores. O concelleiro de Facenda explicou que o goberno local abonou un total de 30 millóns en facturas no último trimestre, cunha media de 9 días, e sinalou que neste ano xa están executados 135 millóns das partidas económicas.
O concelleiro de Facenda, Jaime Aneiros, foi o encargado de defender as contas municipais nunha sesión plenaria extraordinaria na que destacou que o principal obxectivo dos orzamentos é “reactivar a economía” en diálogo constante coa cidade. Cos votos en contra da oposición, o goberno local sacou adiante un documento de 264 millóns, dos que máis de 19 son para políticas sociais.
O salón de plenos do Concello de Vigo acollerá este mércores (09:00 horas) unha sesión extraordinaria para aprobar os Orzamentos do ano 2021. O alcalde avanzou que se trata do presuposto máis importante da historia da cidade e que non haberá aumento de ningunha taxa municipal.
Abel Caballero celebrou os 2.500 millóns de euros de fondos europeos que se van adicar a afrontar o reto demográfico, tal e como se anunciou no transcurso da Comisión Nacional de Administración Local desta mañá. Desde a FEMP, tamén valorou positivamente a asignación de 230 millóns para inversións en modernización nas Entidades Locais, por parte do Ministerio de Política Territorial.
Abel Caballero amosou esta mañá a súa satisfacción na presentación da XV edición dos premios ao emprendemento organizados pola Asociación de Jóvenes Empresarios. Neste acto, organizado na sede da Deputación en Vigo, tamén estiveron presentes Carmela Silva e o presidente de AJE, Iván Suárez, así como Ana María Mejías, concelleira de I+D e Dinamización Administrativa.
A sesión plenaria aprobou este xoves as modificacións orzamentarias para engadir o remanente municipal, toda vez que o Goberno de España autorizou o seu uso. Coa millonaria partida adicional, o goberno de Vigo busca “minimizar as consecuencias socioeconómicas do Covid, xerar emprego e relanzar o consumo”.
Para Abel Caballero, a elección aporta “esperanza” á actual situación marcada pola pandemia, polo que aplaudiu as “alianzas” do sector público e privado en favor do “progreso” na economía e na industria do automóbil. A Zona Franca acolleu este xoves a presentación do primeiro vehículo transformado por Dangel en España.
O alcalde de Vigo mantivo este mércores unha xuntanza cos responsables da empresa RC Fil Non Tex, interesada en levantar na cidade unha planta de produción téxtil. A firma, con 30 anos de experiencia no sector, produce material para a fabricación de EPIs anticovid e ten tamén aplicacións industriais e agrícolas.
Abel Caballero considera “estratéxico” conseguir a instalación dunha factoría de baterías na área de Vigo, como “garantía de competitividade e pervivencia” do sector do automóbil. O rexedor mantén este mércores unha entrevista co vicepresidente de Relacións interinstitucionais da Comisión Europea, Maros Sefcovic.