O alcalde informou este xoves da aprobación por parte da Xunta de Goberno Local da solicitude de contratación de 36 operarios á Deputación de Pontevedra para executar o II Plan de Conservación e funcionamento de bens e servizos municipais que está subvencionado con case 80.000 euros para o concello vigués.
Abel Caballero participou esta mañá no Comité Executivo de Navalia, Feira Internacional da Industria Naval de Vigo, que celebrará o ano que ven a súa sexta edición. O alcalde de Vigo trasladou aos organizadores o total apoio do Concello a un evento que aspira a xerar un beneficio superior aos dez millóns de euros na súa próxima cita na cidade, desde o 24 ao 26 de maio de 2016.
O alcalde informou este martes da aprobación das bases e da convocadoria das axudas á contratación e mellora do emprego para a mocidade viguesa, un programa municipal para incentivar con ata 5.000 euros o primeiro emprego dos menores de 30 anos e con ata 3.000 euros a transformación de contratos temporais en indefinidos.
O próximo ano funcionará ampliado a máis zonas da cidade, adiantou Abel Caballero, quen acudíu este mércores ás inmediacións do Mercado do Calvario para coñecer de primeira man o traballo que realizan os coidadores de barrio, unha iniciativa do Concello no marco do plan de emprego municipal que realizan 50 profesionais no Casco Vello, no Calvario, Teis, Travesas e Bouzas-Coia.
Abel Caballero asinou este venres sendos convenios do Plan de Emprego do Concello en favor das asociacións de comerciantes Centro Príncipe e Zona Centro, un total de 90.000 euros cos que o goberno de Vigo apoia a contratación de 13 profesionais.
A Xunta de Goberno Local deu luz verde á adxudicación das axudas de emprego para 50 entidades sen ánimo de lucro. Cun orzamento de 795.000 euros, o Concello subvencionará a contratación de 155 traballadores.
Abel Caballero asinou esta mañá un convenio coa Asociación de Comerciantes e Hosteleiros Vigo Vello por un importe de 50.000 euros. Trátase, explicou o rexedor, dunha achega con cargo ao Plan de Emprego Municipal para cooperar na contratación de persoal, xestión e orgainzación de actividades desta entidade.
Abel Caballero presentou esta mañá a Vigo Shopping Night que se organiza mañá na zona comercial de Príncipe desde as 19,00 ata as 00,00 horas. Haberá prezos especiais, descontos e máis de 20 actuacións en directo.
O alcalde visitou este martes as instalacións de Formega, centro que forma a aproximadamente un millar de alumnos e traballadores da industria en técnicas de fabricación, en xeral. Abel Caballero enfatizou que a formación é a base da industria e un "requisito imporantísimo para o emprego".
O alcalde de Vigo e os responsables da entidade asinaron este luns o convenio segundo o cal o goberno local achega 40.000 euros á Rede, cantidade que fai posible a contratación de catro profesionais na orientación e formación en igualdade, concienciación social e na mellora da empregabilidade das vítimas de violencia de xénero. O Concello de Vigo adica 1,2 millóns a políticas de igualdade e prevención.