Un total de 24 alumnos desempregados participaron durante seis meses no programa Vigo Capacita baixo as especialidades de operadores básicos de cociña e restaurante-bar. O custo desta iniciativa de emprego e formación é de 263.000 euros.
Concello e sindicatos elaborarán un Código de desenvolvemento social da dignidade laboral das obras públicas de Vigo para recoller nun documento as medidas que xa está a adoptar o goberno local: reparto de horas de traballo, salarios dignos e cumprimento das normas laborais. Así o acordaron responsables das tres centrais nun encontro co alcalde de Vigo no que lle solicitaron continuar coas políticas keinesianas de xeración de emprego.
A Xunta de Goberno Local aprobou o proceso de selección do programa Vigo Emprega 2014 que permitirá crear 100 postos de traballo durante seis meses. O millón de euros desta iniciativa forma parte dos 5,3 millóns que o goberno local consignou para emprego no documento de orzamentos de 2014.
Abel Caballero transmitiulle aos ex traballadores de Alfageme o apoio do Goberno local, tal e como quedara de manifesto no manifesto que asinaran todos os grupos políticos nun Pleno municipal. Esta mañá mantivo un encontro cun grupo de afectados que lle trasladaron a súa preocupación porque se enaxene o patrimonio da empresa e que eles non reciban todo o que se lles adeuda.
O alcalde de Vigo respostará por escrito ao documento con peticións e suxerencias en materia social que hoxe lle entregaron representantes dos desempregados da CIG. Tal e como lles trasladou o rexedor, o Concello de Vigo é o que máis recursos adica á política social de toda España.
Abel Caballero coida xustas ás reivindicacións dos traballadores de Freiremar cos que esta mañá mantivo un encontro no que lles trasladou o apoio total do Concello de cara a buscar solucións aos seus problemas xa que se sinten "indefensos" ante a actitude da empresa que está a vaciar a empresa para instalala noutro lugar. O alcalde insta á Xunta e a empresa a buscar solucións cos máis do centenar de traballadores afectados.
O alcalde de Vigo achegouse hoxe ás carpas colocadas na rúa Príncipe con motivo do Día Mundial do Voluntariado. Logo da entrega dun importante número de diplomas, Caballero alabou a solidariedade e o compromiso dos cidadáns de Vigo que conseguiron que o número de voluntarios municipais se incrementara nun 20% respecto do ano pasado.
Abel Caballero acudiu este xoves ao Auditorio Municipal para a entrega de diplomas a 65 participantes do programa de emprego municipal "Imos Traballar 2", no que se forman 255 desempregados da cidade. Segundo informou Caballero, a porcentaxe de inserción laboral desta iniciativa supera o 50%.
O alcalde mantivo este xoves unha reunión cos representantes do comité para abordar a situación que están a atravesar os empregados de limpeza do hospital. Abel Caballero trasladoulles o seu apoio á defensa das súas condicións laborais e indicou que os traballadores non poden pagar o coste da crise. "É unha reclamación xusta porque non piden nada descabellado senón permanecer como están", dixo Caballero ao tempo que amosou a súa preocupación polos efectos deste conflito nas concidións de hixiene do centro hospitalario.
O alcalde e reponsables da Asociación de Veciños do Casco Vello asinaron hoxe luns un convenio de cesión por dous anos dun local municipal emprazado no baixo de Cánovas do Castillo, n 2. Neste espazo da antiga escola de hostalería había antes unha sucursal de Caixanova e agora,tal e como explicou o rexedor, o local vai permitir ao colectivo veciñal dinamizar a súa actividade.